މާރާމާރީގައި ޒަހަމްވި މީހާ ހޮސްޕިޓަލަށް ގެންދަނީ
މާފަންނު ކެފޭއެއްގެ ތޭރޭ މާރާމާރީ ހިންގާ މީހަކު ޒަހަމްކޮށްލައިފި
މުހައްމަދު އާދަމް އަހްމަދު
27 ނޮވެންބަރ 2024 - 22:54:50
މާފަންނު ކެފޭއެއްގެ ތޭރޭ މަރާމާރީ ހިންގާ މީހަކު ޒަހަމްކޮށްލައިފިއެވެ.
Advertisement
މި މާރާމާރީ ހިނގާފައިވަނީ މާފަންނު ޝަހީދު އަލީ ގޯޅީގައި ހުރި ކެފޭއެއްގެ ތެރޭގައެވެ.
ފުލުހުން ބުނީ މި މާރާމާރީގައި ޒަހަމްވެ ބޮޑެތި އަނިޔާތަކެއް ލިބިފައިވަނީ އުމުރުން 44 އަހަރުގެ ދިވެހި ފިރިހެނަކަށްކަމަށާއި އޭނާ އައިޖީއެމްއެޗަށް ގެންގޮސް ފަރުވާދެމުން އަންނަކަމަށެވެ.
ސޯޝަލް މީޑިއާގައި ދައުރުވަމުންދާ ވީޑިއޯއަކުން، މި ހަމަލާގައި ޒަހަމްވީ މީހާ ސްޓްރެޗަރަކަށް ލައިގެން ގެންދާ މަންޒަރު ފެނެއެވެ. އަދި އޭނާ ހޮސްޕިޓަލަށް ގެންދިޔައިރުވެސް އަނގަ އާއި ނޭފަތުން ލޭ ފައިބަމުން ދެއެވެ. އެ މީހާ ހޮސްޕިޓަލަށް ގެންދިޔައީ އޮކްސިޖަންވެސް ގުޅައިގެންނެވެ.
މި މާރާމާރީ ހިންގި ސަބަބެއް ފުލުހުން އަދި ހާމައެއް ނުކުރެއެވެ. ފުލުހުން ބުނީ މި މައްސަލަ ތަހުގީގުކުރަމުން އަންނަކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
