ބަޔާންގެ އަމިއްލަ ދަނޑުގައި ބުދަ ދުވަހުގެ ރޭ ކުޅުނު މެޗު ބަޔާނުން ކާމިޔާބު ކުރީ 1-0 އިންނެވެ.
މިއުނިކްގެ އެލިއަންޒް އެރީނާގައި 75 ހާސް މީހުންގެ ކުރިމަތީގައި ކުޅުނު މި މެޗުން ބަޔާން މިއުނިކް މޮޅުވުމާއެކު އެ ޓީމަށް ވަނީ މި ސީޒަނުގެ ޗެމްޕިއަންސް ލީގުގައި ކުޅުނު ހަތަރު މެޗުގެ ތެރެއިން ދެ މެޗުން މޮޅުވެ ހަ ޕޮއިންޓާއެކު ތާވަލުގެ 17 ވަނައިގަ އެވެ.
މި ސީޒަނާ ދިމާކޮށް ބަޔާންގެ ކޯޗުކަމާ ހަވާލުވި ވިންސެންޓް ކޮމްޕެނީގެ އިރުޝާދދުގެ ދަށުން ޗެމްޕިއަންސް ލީގުގައި އެ ޓީމުގެ ނަތީޖާތައް ދަށްވުމުގެ ސަބަބުން، އޭނާ އަށް ޕްރެޝަރު ކުރިމަތިވާނެ ކަމަށް ރިޕޯޓުތަކުގައި މީގެ ކުރިން ވަނީ ފާހަގަ ކޮށްފަ އެވެ. ނަމަވެސް، ބެންފީކާ އަތުން ހޯދި މޮޅާއެކު، ކޮމްޕެނީ އަށް އޮތް ޕްރެޝަރަށް ކޮންމެ ވެސް ވަރެއްގެ ލުޔެއް ލިބޭނެ ކަމަށް ބެލެވެ އެވެ.
ޗެމްޕިއަންސް ލީގުގައި ބަޔާން މިއުނިކް ދެން ނިކުންނާނީ ފްރާންސްގެ ޕީއެސްޖީ އާއި ދެކޮޅަށެވެ.
