ޔުއެފާ ނޭޝަންސް ލީގުގައި ކުރިއަށް އޮތް ދެ މެޗުން އެމްބާޕޭއަށް ފުރުސަތު ނުލިބުނީ ކީއްވެ ކަމެއް ނޭނގެއެވެ. މިދިޔަ އޮކްޓޯބަރ މަހު ކުޅުނު ދެ މެޗަށް ނެގި ސްކޮޑުން އޭރު އެމްބާޕޭ ބާކީ ކޮށްފައިވަނީ އަނިޔާގެ ސަބަބުންނެވެ. އެކަމަކު، އޭގެ ފަހުން ރިއާލްއިން ކުޅުނު ދެ މެޗުގައި އެމްބާޕޭ ފުރިހަމައަށް ކުޅެފައިވައިވާއިރު، އަނިޔާއިން އޭނާވަނީ އެއްކޮށް ރަނގަޅު ވެފައެވެ.
ފްރާންސުން ކުރިއަށް އޮތީ އިޓަލީ މެޗާއި އިޒްރޭލު މެޗެވެ. މި ދެ މެޗަށް ނެގި ސްކޮޑުން އެމްބާޕޭ ބާކީކުރިއިރު، "މުހިއްމު" ނޫން މެޗުގައި ނުކުޅެވޭނެ ކަމަށް އެމްބާޕޭ ބުނެފައިވާ ކަމަށް ބައެއް ރިޕޯޓްތައް ބުނެއެވެ.
ހިލޭ ޓްރާންސްފަރ އެއްގެ ދަށުން މިދިޔަ ހޫނު މޫސުމުގައި ސްޕެއިން ރެއާލް މެޑްރިޑަށް ކިލިއަން އެމްބާޕޭ ބަދަލުވި ފަހުން އޭނާގެ އަސްލު ކުޅުން ދެއްކޭގޮތް ވަނީ އަދި ނުވެފަ އެވެ. ރެއާލް މެޑްރިޑަށް މި ސީޒަނުގައި އެމްބާޕޭ ކުޅެދިން 15 މެޗުގައި އޭނާއަށް ޖެހިފައިވަނީ 8 ގޯލެވެ. ޔޫރޯގައިވެސް ލިބުނު އަނިޔާއަކާ ގުޅިގެން އެމްބާޕޭއަކަށް ރަނގަޅަކަށް ނުކުޅެވުނެވެ.
