ޔުނައިޓެޑުން މި އަހަރުގެ ޔޫރޮޕާ ލީގުގެ ފުރަތަމަ މޮޅު ހޯދީ، ރޭ ގްރީސްގެ ޗެމްޕިއަން ޕީއޭއޯކޭއާ ދެކޮޅަށް ކުޅޭ ދެ ލަނޑު ސުން ލަނޑުންނެވެ. އަމިއްލަ ދަނޑުގައި ރޭ ޔުނައިޓެޑު މޮޅުވި މި މެޗަކީ މި ސީޒަނުގެ ޔޫރޮޕާ ލީގުގައި އެ ޓީމު މެޗަކުން މޮޅުވި ފުރަތަމަ ފަހަރެވެ.
މި މެޗުގައި ޔުނައިޓެޑުން ޖެހި ދެ ލަނޑުވެސް ޖެހީ އައިވަރީ ކޯސްޓުގެ ފޯވަޑް އަމަދު ޑިއާލޯ އެވެ. މެޗުގެ މޮޅު ކުޅުންތެރިޔަކަށް ހޮވުނީވެސް ޑިއާލޯއެވެ.
މި ނަތީޖާ އާއިއެކު މެންޗެސްޓަރ ޔުނައިޓެޑް އިން ޔޫރޮޕާ ލީގުގައި މިހާތަނަށް ކުޅުނު ހަތަރު މެޗުން ލިބިފައިވާ 6 ޕޮއިންޓާއެކު އެ ޓީމު އޮތީ ފަނަރަ ވަނައިގަ އެވެ. ޖުމްލަ 36 ޓީމު ވާދަކުރާ މި މުބާރާތުގެ އެއްވަނައިގައި އޮތް އިޓަލީގެ ލާޒިއޯ އަށް ލިބިފައިވަނީ 12 ޕޮއިންޓެވެ.
މެންޗެސްޓަރ ޔުނައިޓެޑްގެ ކޯޗު ކަމުގެ މަގާމުން އެރިކް ޓެންހާގް ވަކި ކުރުމަށްފަހު ވަގުތީ ގޮތުން އެ ޒިންމާ އުފުލަމުންދާ ވެންނިސްޓެލްރޫއީގެ އިރުޝާދުގެ ދަށުން މިހާތަނަށް އެ ޓީމު ތިން މެޗު ކުޅެފައިވާއިރު އެ ޓީމު ބަލިވެފައެއް ނުވެއެވެ.
