މި އެއްބަސްވުމުގައި މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯންގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަ ޝިމާދު އިބްރާހިމް އެވެ. މަޝްރޫއު ހަވާލުކުރެވުނީ ކެޕިޓަލް އޭޝިއާ އިންވެސްޓްމަންޓްސް ޕްރައިވެޓް ލިމިޓެޑާ އެވެ.
އިކޮނޮމިކް މިނިސްޓަރު މުހައްމަދު ސައީދު ވިދާޅުވި ގޮތުގައި މި މަޝްރޫއަކީ ރައީސް ޑރ. މުއިއްޒުގެ އިގްތިސާދީ އެޖެންޑާގެ ދަށުން ހިންގޭ މަޝްރޫއެކެވެ. އަދި މި މަޝްރޫއުގެ ސަބަބުން ރާއްޖެ އިތުރު ދާއިރާތަކަކަށް ހުޅުވިގެންދާނެ ކަމަށް އެ މިނިސްޓަރު ވިދާޅުވި އެވެ.
އިހަވަންދިއްޕޮޅުގައި ހިންގާ މި މަޝްރޫއުގެ ބިން ހިއްކުމުގެ މަސައްކަތް ވަނީ މި އަހަރުގެ ޖެނުއަރީ މަހުގެ ފަހުކޮޅު ފަށާފަ އެވެ. މިނިސްޓަރު ސައީދު ވިދާޅުވި ގޮތުގައި ރައީސްގެ އެޖެންޑާގައި ހިމެނެނީ ޓޫރިޒަމް އިތުރަށް ކުރިއެރުވުމާއި، ފައިނޭންޝިއަލް ޑިޖިޓަލް އިކޮނޮމީ އަދި މެރިޓައިމް އިކޮނޮމީ އެވެ.
މަޝްރޫއާ ގުޅޭ ބައެއް މުހިންމު މައުލޫމާތު:
- މަޝްރޫއު ހަވާލުކޮށްފައިވަނީ ކެޕިޓަލް އޭޝިއާ އިންވެސްޓްމަންޓްސް އާ
- މަޝްރޫއު ހިންގަނީ އިހަވަންދިއްޕޮޅުގައި
- ބިން ހިއްކުމުގެ މަސައްކަތް ފެށީ ޖެނުއަރީ މަހު
- މަޝްރޫއަކީ ރައީސްގެ އިގްތިސާދީ އެޖެންޑާގެ ބައެއް
