ފިޝަރީޒް މިނިސްޓާ ޝިޔާމް
ދިވެހި މަހުން އިގްތިސާދު ދެ ގުނަ ކުރެވޭ ފޯމިއުލާ މިނިސްޓަރު ހާމަކުރައްވައިފި
ގުފްތަގް އަޖީރު
09 ނޮވެންބަރ 2024 - 11:28:56
ރާއްޖޭގައި ބާނާ މަހުގެ 95 ޕަސަންޓު "އަގު އެއްކޮށްގެން" ބޭރުކުރެވޭނެ ކަމަށް، މަސްވެރިކަމާއި ކަނޑުގެ ވަސީލަތްތަކާ ބެހޭ މިނިސްޓަރު އަހުމަދު ޝިޔާމް ވިދާޅުވެއްޖެއެވެ. މިނިސްޓަރު ވިދާޅުވީ އޭރުން ރާއްޖޭގެ އިގްތިސާދު ދެ ގުނަ ވާނެކަމަށެވެ.
Advertisement
ދައުލަތުގެ މީޑިއާ މެދުވެރިކުރައްވައި ފޯމިއުލާ ހާމަކުރައްވަމުން، މިނިސްޓަރު ވިދާޅުވީ ރާއްޖޭގެ ތިން ސަރަހައްދެއްގައި މަސް ޕްރޮސެސްކުރާ ތަންތަނާއި ކޯލްޑް ސްޓޯރޭޖް އެޅުމުގެ މަސައްކަތް ކުރަމުން އަންނަކަމަށެވެ. މި މަސައްކަތްތަކުގެ ތެރޭގައި ފިޔޯރީގައި 3،000 ޓަނުގެ މަސް ރައްކާކުރެވޭ ސްޓޯރޭޖަކާއި ދުވާލަކު 100 ޓަނުގެ މަސް ޕްރޮސެސްކުރެވޭ ފެސިލިޓީއެއް ހިމެނެއެވެ.
މިނިސްޓަރު ވިދާޅުވީ "މިހާރު މިފްކޯއިން 2،000 ޓަނުގެ މަސް ބޭރުކުރާއިރު ލިބެނީ 90 އިން 95 މިލިއަން ޑޮލަރު ކަމަށާއި އަގު އެއްކޮށްގެން މަސް ބޭރުކުރެވޭ މިންވަރު އިތުރުވުމުން އާމްދަނީ ދެ ގުނައަށް ވުރެ ބޮޑުވާނެ،" ކަމަށެވެ.
މި މަސައްކަތްތަކުގެ ތެރޭގައި ނިލަންދޫގައި 1،500 ޓަނުގެ މަސް ރައްކާކުރެވޭ ސްޓޯރޭޖަކާއި 50 ޓަނު ޕްރޮސެސްކުރެވޭ ފެސިލިޓީއެއް އަޅާ އިރު ފެލިވަރުގައި 100 ޓަނުގެ މަސް ޕްރޮސެސްކުރެވޭ ފެސިލިޓީއެއް އެޅުމަށް ވަނީ ހަމަޖެހިފައެވެ.
މިނިސްޓަރު ފާހަގަކުރެއްވި މުހިންމު ކަންކަން:
- ރާއްޖޭގެ ތިން ސަރަހައްދެއްގައި މަސް ޕްރޮސެސްކުރާ ތަންތަން އެޅުމުގެ މަސައްކަތް ކުރާނެ
- މަސް ރައްކާކުރެވޭ ކެޕޭސިޓީ 25،000 ޓަނަށް އިތުރުކުރާނެ
- މިހާރު މިފްކޯއިން 2،000 ޓަނުގެ މަސް ބޭރުކުރާއިރު 90-95 މިލިއަން ޑޮލަރު ލިބޭ
- އަގު އެއްކޮށްގެން މަސް ބޭރުކުރުމުން އާމްދަނީ ދެ ގުނައަށް ވުރެ ބޮޑުވާނެ
- ފިޔޯރީގައި 3،000 ޓަނުގެ ސްޓޯރޭޖަކާއި ދުވާލަކު 100 ޓަނުގެ މަސް ޕްރޮސެސްކުރެވޭ ފެސިލިޓީއެއް އަޅާނެ
50%
ކަމުގޮސްފި
50%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
