ހިޔާ ޓަވަރުގައި މީހަކު ރަހީނުކޮށްގެ އުޅެނިކޮށް އެމީހާ ސަލާމަތްކޮށް 12 މީހަކު ހައްޔަރުކޮށްފައެވެ.
ފުލުހުން ބުނީ މި އެންމެންގެ ބަންދުގެ މުއްދަތު ޖަހަން ގެންދިޔުމުން އެންމެނަށްވެސް ކޯޓުން ބަންދުގެ މުއްދަތު ޖަހާދީފައިވާކަމަށެވެ. އެގޮތުން ފަސް މީހަކަށް ބަންދަށް ޖަހާދީނީ ފަސް ދުވަސްކަމަށާއި ބާކީ ތިބި ހަތް މީހުން ހަތް ދުވަހަށް ބަންދު ކުރަން ކޯޓުން މުއްދަތު ޖަހާދީފައިވާކަމަށް ފުލުހުން ބުނެއެވެ.
މި މައްސަލާގައި 12 މީހަކު ހައްޔަރުކުރިނަމަވެސް އެމީހުން ވަނަވަރާއި ފޮޓޯ ފުލުހުން މިހާތަނަށް އާއްމުކޮށްފައެއް ނުވެއެވެ.
މިދިޔަ ހުކުރު ވިލޭރޭ މި މީހުން އަތުލައިގަތީ އެމީހުން ރަހީނު ކުރި މީހާގެ ބޯބާލާ އެމީހާގެ އިނގިއްޔެއް ބުރިކޮށްލަން ތައްޔާރުވަމުން ދަނިކޮށްކަމަށް ހޯމް މިނިސްޓަރު އަލީ އިހްސާން ވަނީ ވިދާޅުވެފައެވެ.
މި މީހުން މި މީހާ ރަހީނުކޮށްގެން ގެންގުޅުނީ ހިޔާ އެޗް 9އެއްގެ 20 ވަނަ ފްލޯގެ 11 ވަނަ އެޕާޓްމަންޓުގެ ތެރޭގައެވެ.
