އާބަން ސެންޓަރުތަކުގެ ގޮތުގައި ހަތް ރަށެއް ރައީސް ޑރ. މުހައްމަދު މުއިއްޒު ކަނޑައަޅުއްވާ މިއަދު ވަނީ އިއުލާންކުރައްވާފައެވެ.
މި ރަށްތަކުގެ ތެރޭގައި އެންމެ އުތުރާއި އެންމެ ދެކުނުގެ ރަށެއް ހިމެނިފައި ނުވާތީ ބައެއް ފަރާތްތަކުން ވަނީ އެކަމާ ކަންބޮޑުވުން ފާޅުކޮށް ސަރުކާރަށް ފާޑުކިޔުންތައް އަމާޒުކޮށްފައެވެ.
އާބަން ސެންޓަރުތައް ގާއިމުކުރާ ރަށްތައް
- ޅ. ނައިފަރު
- ބ. އޭދަފުށި
- ރ. އުނގޫފާރު
- އދ. މަހިބަދޫ
- ފ. ނިލަންދޫ
- ދ. ކުޑަހުވަދޫ
- ލ. ފޮނަދޫ
މި ފާޑިކިޔުންތަކަށް ރައްދުދެއްވާ ރައީސް ޑރ. މުިއއްޒު އެކްްގައި ކުރެއްވި ޕޯސްޓެއްގައި ވިދާޅުވީ އެމަނިކުފާނުގެ މެނިފެސްޓޯގައި ބަޔާންކުރި ގޮތަށް ދެމެހެއްޓެނިވި ސަރަޙައްދީ ތަރައްޤީގެ ސިޔާސަތުގެ ދަށުން މާލެ އާބަން ރީޖަން ގެ އިތުރުން އެންމެ މަތީ ފަންތީގެ ހިދްމަތްތައް ހިމެނޭހެން، އެންމެ އުތުރުގެ 3 އަތޮޅު ހިމެނޭހެން ނޮދާން އިންޓާގްރޭޓަޑް ޑިވެލޮޕްމަންޓް ޒޯނަކާއި އެންމެ ދެކުނުގެ 4 އަތޮޅު ހިމެނޭހެން ސަދާން އިންޓާގްރޭޓަޑް ޑިވެލޮޕްމަންޓް ޒޯނެއް ތަރައްޤީ ކުރާނެކަމަށެވެ.
އޭގެ އިތުރަށް 7 އާބަން ސެންޓަރު (މާލެއިން އުތުރުން 3، މާލެއިން ދެކުނުން 4) ތަރައްޤީ ކުރުން އެއީ ސަރުކާރުގެ ސިޔާސަތުކަމަށާއި އަދި މިކަންކަމަކީ ކުރިޔަށް 20 އަހަރު ދުވަހަށް އެކަށައަޅަން މަސައްކަތް ފަށާފައިވާ ތަރައްޤީގެ މާސްޓާ ޕްލޭންގައި ރާއްޖޭގެ ހުރިހާ ރަށެއްގެ ރައްޔިތުންގެ ހިޔާލާއި، ފަންނީ ފަރާތްތަކާއި ކައުންސިލްތަކާއި ކަމާބެހޭ ހުރިހާ ފަރާތްތަކެއްގެ ބައިވެރިވުމާއެކު އެކަށައެޅުމަށް ޤަސްދުކުރާ ކަންކަންކަމަށްވެސް ރައީސް ޑރ. މުއިއްޒު ވިދާޅުވިއެވެ. އަދި މިކަމުގެ ހަގީގަތް އޮޅޭގޮތަށް ވާހަކަ ދައްކަނީ ސިޔާސީ ބޭނުމުގައިކަމަށްވެސް ރައީސް ވަނީ ވިދާޅުވެފައެވެ.
ހައުސިން މިނިސްޓްރީން މިރޭ ނެރުނު ނޫސްބަޔާނުގައި ބުނީ ރައިސްގެ އުމްރާނީ ތަރައްގީގެ ސަރަހައްދީ ތަސައްވުރަކީ ރާއްޖޭގެ އުތުރުގެ ހަތަރު އަތޮޅާއި ދެކުނު ހަތަރި އަތޮޅު ތަރައްގީކުރުންކަމަށެވެ.
- އުތުރުން އުމްރާނީ ތަރައްގީގެ ގޮތުގައި ކަނޑައެޅި އަތޮޅުތައް
- ހއ އަތޮޅު
- ހދ. އަތޮޅު
- ށ. އަތޮޅު
- ނ. އަތޮޅު
ދެކުނުން އުމްރާނީ ތަރައްގީގެ ގޮތުގައި ކަނޑައެޅި އަތޮޅުތައް
- ގއ. އަތޮޅު
- ގދ. އަތޮޅު
- ފުވައްމުލަކު ސިޓީ
- އައްޑޫ ސިޓީ
މި ދެ ސަރަހައްދުގައިވެސް އެކި ރަށްރަށް އާބާދީއާއި ތަރައްގީ އއްފަސްކުރުމުގެ ސިޔާސަތުގެ ދަށުން އާބަން ސެންޓަރުތަކުގެ ގޮތުގައި ތަރައްޤީކުރާނެކަމަށްވެސް ހައުސިން މިނިސްޓްރީގެ ނޫސްބަޔާނުގައިވެއެވެ.
