އުމުރުން 38 އަހަރުގެ ރާމޯސް މި ވަގުތު ހުރީ އެއްވެސް ކްލަބެއްގައެއް ނޫނެވެ. 2021 ވަނަ އަހަރު ރިއާލް ދޫކޮށްދިޔަ، ރާމޯސް އަކީ އެ ކްލަބުގެ ކެޕްޓަންކަން ގިނަނ ދުވަސްތަކެއްވަންދެން ކޮށްފައިވާ ކްލަބުގެ ލެޖެންޑެކެވެ. ސްޕެއިންގެ ރިޕޯޓްތައް ބުނާ ގޮތުން ރިއާލްގެ ރައީސް ޕެރޭޒްއާ ގާތް ގުޅުމެއް އޮންނަ ރާމޯސް އަލުން ކްލަބަށް ގެނައުމާ ގުޅޭ ގޮތުން ދެ މީހުންވަނީ ވާހަކަ ދައްކާފައެވެ. އަދި ރާމޯސް ހުރީ އެނބުރި ރިއާލްއަށް އަންނަން ކަމަށްވެސް ސްޕެއިންގެ ރިޕޯޓްތައް ބުނެއެވެ.
ރިއާލް މެޑްރިޑަށް ސީރިއަސް އަނިޔާތަކުގެ މައްސަލަތަކެއް ކުރިމަތިވެފައިވާއިރު، މި ފަހުން ބާސެލޯނާ އަދި އޭސީ މިލާން އަތުންވަނީ ބަލިވެފައެވެ. ރާމޯސްގެ އެހީތެރިކަމަށް އެދުނީ މައިގަނޑު ގޮތެއްގައި މި ސަބަބުތަކާ ހުރެއެވެ.
16 އަހަރު ރިއާލްއަށް ކުޅުނު ރާމޯސްއަށް އެއް އަހަރުގެ ކޮންޓްރެކްޓެއް ހުށަހަޅާނެ ކަމަށް ރިޕޯޓްތައް ބުނެއެވެ.
