ކުރިން ސަރުކާރުން ބުނީ ފްލެޓް ލިސްޓްުތައް އަލުން އިވެލުއޭޓްލުރުމަށްފަހު މިދިޔަ މަސް ނިންމުމުގެ ކުރިން ލިސްޓު އިއުލާންކުރާނެކަމަށެވެ. ސަބަބެއްކަމަށް ބުނީ 4000 ފްލެޓްފެ ލިސްޓް ރީ އިވެލުއޭޓްކުރުމުގެ މަސައްކަތް ކުރަމުން އަންނާތީ އެ މަސައްކަތް ނިންމާލަން އަދި ވަގުތު ބޭނުންވާތީކަމަށެވެ.
ޕީއެސްއެމްގެ "ރާއްޖެ މިއަދު" ޕްރޮގްރާމްގައި ވާހަކަ ދައްކަވަމުން މިނިސްޓަރު ހައިދަރު ވިދާޅުވީ 4،000 ފްލެޓަށް އެދި ހުށައެޅި ހުރިހާ ފޯމްތަކެއް ރީ-އިވެލުއޭޓް ކުރުމަށްފަހު އަންނަ ހަފްތާގައި ވަގުތީ ލިސްޓެއް އިއުލާން ކުރުމަށް ހަމަޖެހިފައިވާ ކަމަށެވެ.
ގެދޮރުވެރިޔާ ސްކީމްގެ ފުރަތަމަ ފިޔަވަހީގެ ދަށުން ދޫކުރާ 4،000 ފްލެޓަށް 20،697 ފޯމު ހުށަހެޅިއެވެ. އޭގެ ތެރެއިން 13،000 އަށް ވުރެ ގިނަ މީހުންގެ ޝަރުތު ހަމަވާ ކަމަށް ކުރީ ސަރުކާރުން ވަނީ ނިންމާފައެވެ.
ހައުސިން މިނިސްޓްރިން ބުނީ 4000 ފްލެޓް ދިނުމަށް މިދިޔަ ސަރުކާރުން ކަނޑައެޅި ލިސްޓް ހައުސިން އެޑްވައިޒަރީ ކޮމެޓީންނާއި އާއި މާލޭ ސިޓީ ކައުންސިލުން އެކުލަވާލި ހައުސިން ކޮންސަލްޓެޓިވް ކޮމެޓީން ބެލިކަމަށާއި އެ ދެކޮމެޓީއަށްވެސް ލިސްޓް އެކުލަވާލާފައިވާ ގޮތް ރަނގަޅުކަމަށް ނުފެންނަކަމަށެވެ. އެހެންކަމުން މި ސްކީމްގެ ދަށުން ހުށައަޅާފައިވާ ހުރިހާ ފޯމެއް ރީ އިވެލުއޭޓްކުރުމުގެ މަސައްކަތް މިނިސްޓްރީން ފެށިކަމަށް ހައުސިން އިން ވަނީ ބުނެފައެވެ.
