މޫސުމީ ބަދަލުތަކާއި ތިމާވެއްޓާއި ހަކަތައާ ބެހޭ މިނިސްޓަރު ތޯރިގު އިބްރާހީމް މިއަދު ބާކޫއަށް ފުރުއްވުމުގެ ކުރިން، ތިމާވެއްޓާ ގުޅޭ މައްސަލަތަކާ ގުޅޭގޮތުން ޒުވާނުންގެ ހިޔާލު ހޯދުމަށް ހާއްސަ އިވެންޓެއް ބޭއްވި އެވެ. އެ އިވެންޓުގައި ޒުވާނުން ފާޅުކުރި ހިޔާލުތަކަށް ބިނާކޮށް ކޮޕް 29 އަށް ގެންދިއުމަށް ހާއްސަ ސްޓޭޓްމަންޓެއް ވަނީ ތައްޔާރުކޮށްފަ އެވެ.
މިއަހަރުގެ ކޮޕް ސަމިޓުގައި ރާއްޖެއިން މުހިންމު ދައުރެއް އަދާކުރާނެ ކަމަށް މިނިސްޓަރު ތާރިގް ވިދާޅުވި އެވެ. އެގޮތުން ކޮޕްގެ ހަވާސާގައި ރާއްޖެއިން 4 އިވެންޓެއް ބާއްވާނެ އެވެ. އޭގެ ތެރޭގައި އޭޑީބީއާ ގުޅިގެން އިއާދަކުރަނިވި ހަކަތައާ ގުޅޭ އިވެންޓަކާއި، ފަރުތައް ހިމާޔަތްކުރުމުގެ މުހިންމުކަމާ ގުޅޭ އިވެންޓެއް ހިމެނެ އެވެ.
ކޮޕް 29 ސަމިޓުގައި ބައިވެރިވުމަށް މިނިސްޓަރު ތޯރިގު ފުރާވަޑައިގަންނަވަނީ
މިމަހުގެ 11 އިން 22 އަށް ބާކޫގައި ބޭއްވުމަށް ހަމަޖެހިފައިވާ ކޮޕް 29 ގައި ރައީސް މުހައްމަދު މުއިއްޒު ބައިވެރިވެވަޑައިގެން ތަގުރީރު ކުރައްވާނެ އެވެ. މިއީ ދުނިޔެއަށް ކުރިމަތިވަމުންދާ ތިމާވެށީގެ މައްސަލަތަކާ ގުޅޭގޮތުން އދ. ގެ މެމްބަރު ގައުމުތަކުން ބައިވެރިވާ އެންމެ ބޮޑު ސަމިޓެވެ.
