ގެއްލުނު ކުޑަ ފިރިހެން ކުއްޖާ.
ފުވައްމުލަކުން ހަތަރު އަހަރުގެ ކުއްޖަކު ގެއްލިގެން ހޯދަނީ
އަލީ މިދުހަތު
10 ނޮވެންބަރ 2024 - 19:23:59
ފުވައްމުލައް ސިޓީން ހަތަރު އަހަރުގެ ފިރިހެން ކުއްޖަކު ގެއްލިގެން ހޯދަން ފަށައިފި އެވެ.
Advertisement
ފުލުހުން ބުނީ ފުވައްމުލަކުން ހަތަރު އަހަރުގެ ފިރިހެން ކުއްޖަކު ގެއްލިގެން ރިޕޯޓުކޮށްފައިވާތީ އެ ކުއްޖާ ހޯދުމުގެ މަސައްކަތް ކުރަމުންދާ ކަމަށެވެ.
ފުވައްމުލަކު ކައުންސިލުން ބުނި ގޮތުގައި އެ ކުއްޖާ ދިރިއުޅެނީ އެއިން ފްލެޓެއްގަ އެވެ. ގެއްލުނީ ހަވީރު ފަހެއް ޖަހާކަންހާއިރު އެވެ.
"އަދި އަޅުގަނޑުމެންނަކަށް ސާފެއް ނުވޭ އަމިއްލައަށް ބޭރަށް ނުކުމެގެން ދިޔައީ ކަމެއް ނުވަތަ އާއިލާއާ އެކު ބޭރުގައި އުޅެނިކޮށް ގެއްލުނީ ކަމެއް،" ކައުންސިލްގެ މެމްބަރަކު ވިދާޅުވި އެވެ.
ގެއްލިގެން ހޯދަނީ ޏ. ފުވައްމުލައް، މިސްކިތްމަގު، މާކޯނި އުމުރުން އެންމެ ހަތަރު އަހަރުގެ އިޒްޔާން ހުޝާމް މުހައްމަދު އެވެ.
އިޒްޔާންގެ އެއްވެސް މައުލޫމާތެއް ލިބިފައިވާނަމަ ފުވައްމުލައް ޕޮލިސް ސްޓޭޝަނުގެ ނަންބަރު 9792803 އަށް ގުޅުއްވައި ހިއްސާކުރެއްވުން ފުލުހުން އެދެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
