އަންހެން 100 މީޓަރު ދުވުމުގެ ފައިނަލް ހީޓު އަހުނާ ކާމިޔާބުކުރީ 12.71 އިން ރޭސް ނިންމައިގެންނެވެ. މިއީ މި މުބާރާތުގެ މީޓް ރެކޯޑެއްވެސް މެއެވެ. އަހުނާއާ އެންމެ ކައިރިން ރޭސް ނިންމީ އައްޑޫ ހައި ސްކޫލްގެ އައިމިނަތު ޒަފާ ޒައިން އެވެ. އޭނާ ރޭސް ނިންމީ 13.10 ސިކުންތުންނެވެ. ތިންވަނަ އަށްދިޔަ އާމިނަތު ލަޔާނާ މުހައްމަދު ރޭސް ނިންމީ 13.58 ސިކުންތުންނެވެ.
އަންހެން 200 މީޓަރު ދުވުމުގެ ރަން މެޑަލް އަހުނާ ހޯދީ 25.88 ސިކުންތުން ރޭސް ނިންމައިގެންނެވެ. އަހުނާއާ އެންމެ ގާތުން، ދެ ވަނައިގައި ނިންމި ދާންދޫ ސްކޫލްގެ އާމިނަތު ލަޔާނާ މުހައްމަދު ރޭސް ނިންމީ 27.45 ސިކުންތުންނެވެ. އަދި ތިން ވަނަ އަށް ރޭސް ނިންމި އައްޑޫ ހައި ސްކޫލްގެ އާމިނަތު ޒަފާ ޒައިން ރޭސް ނިންމީ 28.55 ސިކުންތުންނެވެ.
މި ފަހަރުގެ އިންޓަ ސްކޫލް އެތުލެޓިކްސް ޗެމްޕިއަންޝިޕްގައި 52 ސްކޫލަކުން 1563 އެތުލީޓުން ވަނީ ބައިވެރިވެފަ އެވެ. މުބާރާތް ކުރިއަށްދަނީ ހުޅުމާލެ ސިންތަޓިކް ޓްރެކުގަ އެވެ. ރަށްރަށުގެ ސްކޫލްތަކުން ގިނަ އެތުލީޓުން މި ފަހަރުވެސް ބައިވެރިވެއެވެ.
