ނޫސްވެރިންގެ އިނާމުގެ ދިނުމުގެ ހަފްލާގެ ތެރެއިން: ފޮޓޯ އެމްއެމްސީ
ނޫސްވެރިންގެ އެވޯޑު މައްސަލަ ބަލަން މަޖިލިސް ކޮމިޓީ ސިއްރުކޮށްފި
ގުފްތަގް އަޖީރު
13 ނޮވެންބަރ 2024 - 14:03:56
މޯލްޑިވްސް މީޑިއާ ކައުންސިލް (އެމްއެމްސީ) އިން ދިން އެވޯޑާ ގުޅޭ މައްސަލަ ބެލުމަށް މިއަދު ބޭއްވި މަޖިލީހުގެ މިނިވަން މުއައްސަސާތަކުގެ ކޮމިޓީގެ ބައްދަލުވުން ވަނީ ސިއްރުކޮށްފަ އެވެ.
Advertisement
ކޮމިޓީ ސިއްރުކުރަން ހުށަހެޅުއްވީ ކޮލަމާފުށި ދާއިރާގެ މެންބަރު އިބްރާހިމް ދީދީ އެވެ. އެ ހުށަހެޅުމަށް ތާއީދު ކުރެއްވީ ފުވައްމުލަކު ދެކުނު ދާއިރާގެ މެންބަރު އިބްރާހިމް ހުސައިން އެވެ. ކޮމިޓީ ސިއްރުކުރަން ނިންމީ "މަސްލަހަތު ފުށުއަރާ ބައެއް ކަންކަން ހިމެނޭތީ" ކަމަށް އިބްރާހިމް ދީދީ ވިދާޅުވި އެވެ.
މި މައްސަލަ ކޮމިޓީއަށް ހުށަހެޅީ ޕީއެސްއެމުން އެވެ. އެ ކުންފުނިން ބުނީ އެމްއެމްސީގެ އެވޯޑު ހަފުލާގައި ދެއްކި ވީޑިއޯއަކީ ޕީއެސްއެމްގެ އެޑިޓޯރިއަލް ޕޮލިސީއާ ހިލާފު އެއްޗެއް ކަމަށެވެ. އެއީ ރައީސް މުހައްމަދު މުއިއްޒުގެ ދޮންމަންމަ، ސްރީ ލަންކާގެ ރައްޔިތެއް ކަމަށްވާ ޖީ ސްކީލާންގެ ތުހުމަތުތަކުގެ މައްޗަށް "އަދަދު" ނޫހުން ތައްޔާރުކުރި ޑޮކިއުމެންޓްރީގެ ބައެކެވެ.
"މުއައްސަސާތަކުގެ ބައެއް މެންބަރުން ވަކިކުރުމަށް ތައްޔާރުވަމުން އަންނަ ދަނޑިވަޅެއްގައި، ޖީ ސްކީލާން ޑޮކިއުމެންޓްރީއަށް މީޑިއާ ކައުންސިލުން ދިން އެވޯޑުގެ މައްސަލައިގައި އެ މީހުން ހާޒިރުކޮށް، މިނިވަން މުއައްސަސާތަކުގެ ކޮމިޓީ ސިއްރުކޮށްގެން ކުރިއަށްގެން ދާކަމީ ނޫސްވެރިކަމަށް އޮތް ބިރެއް،" ކޮމިޓީގެ މެންބަރު، ގަލޮޅު ދެކުނު ދާއިރާގެ މެންބަރު މީކާއީލް އަހުމަދު ނަސީމް ވިދާޅުވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
