ads
ގައުމީ ޓީމުގެ ކޯޗު ސުޒޭން
މިއީ ތާރީހީ މޮޅެއް، ސުޒޭން އުފަލުން
ބަންގްލަދޭޝް އަތުން ރާއްޖެ އެ ގައުމުގައި އިއްޔެ މޮޅުވި މޮޅުވުމަކީ ތާރީހީ މޮޅެއް ކަމަށް ގައުމީ ޓީމުގެ ކޯޗު އަލީ ސުޒެއިން ބުނެފިއެވެ.
Advertisement

ބަންގްލަދޭޝް އަތުން އެއް ލަނޑު ސުން ލަނޑުން ރާއްޖެ އިއްޔެ މޮޅުވި މެޗަކީ އެ ގައުމުގައި އެ ގައުމު އަތުން ރާއްޖެ މޮޅުވީ ފުރަތަމަ ފަހަރެވެ. އަހަރެއްހާ ދުވަހު ގައުމީ ޓީމުގެ މެޗެއް ނުކުޅެ ތިބުމަށް ފަހު ކުޅުނު ފުރަތަމަ މެޗުން މޮޅުވިއިރު ސުޒޭން ފާހަގަކުރީ އެއީ ތާރީހީ ކާމިޔާބެއްގެ ގޮތުގައެވެ. މި މެޗުގައި ރާއްޖެ މޮޅުވީ ލަނޑު ޖެހީ ސެންޓޭއެވެ.

"މިއީ ވަރަށް ތާރީހީ ދުވަހެއް. ސަބަބަކީ މިއީ މިދިޔަ 45 އަހަރުތެރޭގައި ޑާކާގައި ބަންގްލަދޭޝްގެ މައްޗަށް އަހަރެމެން މޮޅުވި ފުރަތަމަ ފަހަރު ކަމަށްވުން،" ސުޒޭން ބުންޏެވެ.

މިއީ، މިދިޔަ އަހަރު އޮކްޓޫބަރު މަހު ފީފާ ވޯލްޑް ކަޕް/ އޭޝިއަން ކަޕް ޖޮއިންޓް ކޮލިފައިންގައި ބަންގްލަދޭޝާ ކުޅުނު ފަހުން، ރާއްޖޭން ކުޅުނު ބައިނަލްއަގުވާމީ ފުރަތަމަ މެޗެވެ. ރާއްޖޭގެ ފުޓްބޯޅައިގެ މިހާރުގެ ހާލަތުގައި ހުރި ގޯސް ކަންކަމަށް ނުވިސްނައި، މިހާރުގެ ފޯކަސް ހުރީ ކުރިއަށް އޮތް ބަންގްލަދޭޝް ދެ މެޗަށް ކަމަށް މެޗުގެ ކުރިންވެސް ގައުމީ ކޯޗުވަނީ ބުނެފައެވެ. މެޗުގެ ކުރިން ސުޒޭން ބުނީ, މި ހާލަތަކީ ފުޓުބޯޅައިގެ "ނެގެޓިވް" ކަންކަމަށް ވިސްނުމަށް ވުރެން ފުޓުބޯޅަ އަށް ކޮށްދެވެން ހުރި ކަންކަމަށް ވިސްނަންވީ ވަގުތު ކަމަށެވެ. 

ބަންގްލަދޭޝް އާއި ރާއްޖެ ކުޅޭ ދެ ވަނަ މެޗު ފަށާނީ ހޮނިހިރު ދުވަހު ހަވީރު އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް