އިންޑިއާގެ ނޫސްތަަކުން ބުނީ މަރުވެފައި އޮއްވައި ފެނުނީ އުމުރުން 43 އަހަރުގެ ހަސަން ސުހައިލް އެވެ. އިންޑިއާ ފުލުހުން ބުނީ މީނާ މަރުވެފައިވަނީ ލޭގެ ޕްރޭޝަރު ދަށްވެ ހާޓް އެޓެކެކެއް ޖެހިގެންކަމަށެވެ.
އިންޑިއާ ފުލުހުން ބުނީ އޭނާ އިންޑިއާއަށް ދިޔައީ މިދިޔަ އާދިއްތަ ދުވަހު ކަމަށާއި މަރުވެފައި އޮއްވައި ފެނުނު ދުވަހަކީ އޭނާ އެ ހޮޓަލުން ޗެކްއައުޓްވާން އޮތް ދުވަސް ކަމަށެވެ.
ފުލުހުން ބުނީ އަންގަރާ ދުވަހުގެ ފަހުން އޭނާ ހޮޓަލުން ބޭރަށް ނުނިކުންނަކަމަށެވެ. އަދި ހޮޓަލުން ފުލުހުންނަށް ރިޕޯޓްކުރީ ބުދަދުވަހުކަމަށްވެސް އިންޑިއާގެ ފުލުހުން ބުނެއެވެ.
ފުލުހުން ގޮސް އެ ކޮޓަރީގެ ޑަބަލްކީ ބޭނުން ކޮށްގެން އޭނާ ފެނުނީ ބިންމައްޗަށް ވެއްޓިފައި އޮއްވައި ކަމަށާއި އޭރު އޭނާއަށް ހޮޑުލެވިފައިކަމަށް ވެސް އިންޑިއާ ފުލުހުން ވަނީ ބުނެފައެވެ.
ޕޯސްޓް މޯޓާމް ހެދުމާ މެދު އާއިލާއިން ގޮތެއް އަދި ނުނިންމާތީ އޭނާގެ ހަށިގަނޑު ރަމާއިއާ ހޮސްޕިޓަލުގެ މޯޗަރީގައި ބާއްވާފައިވާކަމަށް އިންޑިއާ ނޫސްތަކުން ބުނެއެވެ.
