ސްޕެއިންގެ ޔޫރޯ ސްޕޯޓްސްއިން ރިޕޯޓްކޮށްފައިވާ ގޮތުގައި 2026 ވަނަ އަހަރުގެ ޖޫން މަހުގެ ނިޔަލަށް، ބަޔާ ލެވަކޫސެންއާ އެކު އަލޮންސޯގެ ކޮންޓްރެކްޓް އޮތް ނަމަވެސް މި ސީޒަނަށް ފަހު ކޮންޓްރެކްޓް އުވާލައި އޭނާ ރިއާލްއަށް ބަދަލުވާނެއެވެ. ރިއާލްގެ ކޯޗުކަމުގެ މަގާމުގައި މިހާރު ހުރި، ކާލޯ އެންޗެލޯޓީގެ ކޮންޓްރެކްޓް މި ސީޒަންގެ ނިޔަލަށް ހަމަވާނެއެވެ.
ރިއާލްއަށް އަލޮންސޯ ބަދަލުވާނެ ކަމަށް މީޑިއާ ރިޕޯޓްތައް ބުނި ނަމަވެސް ރަސްމީކޮށް އެ ކަމާ ގުޅޭ ގޮތުން އަލޮންސޯގެ ފަރާތުންވެސް އަދި ރިއާލުންވެސް ވާހަކަ ނުދައްކައެވެ.
އަލޮންސޯ އަކީ 2009 އިން 2014 އާ ހަމައަށް ރެއާލް އަށް ކުޅުނު ކުޅުންތެރިއެކެވެ. އޭނާގެ ކޯޗިން ކެރިއަރު ފެށީވެސް ރެއާލް މެޑްރިޑްގެ ޔޫތު ޓީމުންނެވެ. އޭގެ ފަހުން ރެއާލް ސޮއިއެޑާޑުގެ ޔޫތު ޓީމަށް އިރުޝާދު ދިނުމަށްފަހުޖަރުމަން ލީގުގެ ބަޔާ ލެވަކޫސެންއާއެކު އޭނާވަނީ ޔޫރަޕުގެ ރެކޯޑެއް ހަދައި ލީގު ކާމިޔާބު ކޮށްފައެވެ.
