އައިވީއެފް ދެވަނަ ބުރަށް ޝަރުތު ހަމަވާ ފަރާތްތަކުގެ ލިސްޓް ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އިން އާއްމުކުރީ މިދިޔަ މަހު 31 ގައެވެ. ވަގުތީ ލިސްޓުގައިވާ ގޮތުން ދެވަނަ ބުރަަށް ފޯމް 215 215 ފަރާތަކުން ފޯމް ހުށައެޅުމުން ޝަރުތު ހަމަވީ 63 ފަރާތެވެ.
ޝަކުވާތަކަށް ފަހު ލިސްޓު އަލުން މުރާޖާކޮށް ނެރުނުއިރު މި އަދަދަށް ބަދަލުވަނީ އައިސްފައެވެ.
ލިސްޓު އަލުން އާއްމުކޮށް އެންސްޕާއިން ބުނީ ދަވަނަ ބުރުގައި ފޯމު ހުށަހެޅި ޖުމްލަ 216 ފަރާތްތަކންކަމަށެވެ. އަދި އެހީއަށް ޝަރުތު ހަމަވެފައިވާ 64 ފަރާތަށް، ދެވަނަ ބުރުގައި އެހީ ހަމަޖެހިފައިވާކަމަށެވެ. ދެވަނަ ބުރުގައި އެހީ ހަމަޖެހިފައިވާ ފަރާތްތަކުން 30 ނޮވެމްބަރ 2024 ގެ ކުރިން ފަރުވާ ކުރިޔަށް ގެންދާނެގޮތުގެ ޕްލޭން ހިއްސާކުރުމާ ގުޅޭ ގޮތުން އެފަރާތްތަކަށް މަޢުލޫމާތު ފޯރުކޮށްދޭނެކަމަށް އެންސްޕާއިން ބުނެއެވެ.
މި ސްކީމުގެ ފުރަތަމަ ބުރި ހުޅުވާލީ މިއަހަރުގެ މޭ މަހުގެ ތެރޭގައެވެ. އެފަހަރު ކުރިމަތިލީ 153 މީހުންގެ ތެރެއިން ޝަރުތު ހަމަވެ އާސަންދައިން އެހީ ހަމަޖައްސާދީފައިވަނީ 37 މީހަކަށެވެ.
އާސަންދައިން ބުނީ "އައި.ވީ.އެފް"ގެ ފަރުވާއަށް އެހީ ހަމަޖައްސާދިނުމަށް ހަމަޖެހިފައިވަނީ، އެންމެ މަތިން ޕޮއިންޓް ލިބޭ 100 ދެމަފިރިންނަށްކަމަށެވެ. އަދި މިހިދުމަތް ފޯރުކޮށްދޭނީ އާސަންދަ ސްކީމް މެދުވެރިކޮށް "އައި.ވީ.އެފް"ގެ ފަރުވާ ރާއްޖޭގައި މި ހިދުމަތް ފޯރުކޮށްދޭ މަރުކަޒުތަކުންނާއި، ރާއްޖެއިން ބޭރުން މި ހިދުމަތް ދޭ މަރުކަޒުތައް މެދުވެރިކޮށްކަމަށެވެ.
