ޝިފާން އެކްސްގައި ކުރެއްވި ޕޯސްޓެެއްގައި ވިދާޅުވީ ދިވެހި ޒުވާނުންގެ ތެރޭގައި ގިނައީ ގާނޫނުތަކަށް ތަބާވާ އުފެއްދުންތެރި މީހުން ކަމަށެވެ.
އުމުރުން 15 އަހަރާއި 35 އަހަރާ ދެމެދު މީހުންގެ ތެރެއިން ކުށުގެ ވެށީގައި އުޅެނީ ޒުވާނުންގެ އެންމެ ދެ ޕަސެންޓް ކަން ފާހަގަކުރައްވަމުން ޝިފާން ވިދާލުވީ މި އަދަދު އަދިވެސް ދަށްކުރެވޭނެކަމަމަށެވެ.
އެގޮތުން ޒުވާނުން ކަންކަމުގައި ބައިވެރިކުރުވަން ވިސްނައިގެން ޕްރޯއެކްޓިވްކޮށް މަސައްކަތްކޮށްފިނަމަ ކުށުގެ ވެށިން އަދިވެސް ޒުވާނުން މަދުކުރެވޭނެކަން ފުލުހުން ތަރުޖަމާނު ފާހަގަކުރެއްވިއެވެ.
ގައުމީ ހިދުމަތުގެ ޕްރޮގްރާމްގެ ނަމުގައި އަންނަ އަހަރުން ފެށިގެން ގައުމީ ޕްރޮގްރާމެއް ފެށުމަށް ރައީސް ޑރ. މުއިއްޒު ވަނީ ނިންމަވާފައެވެ. ކިޔެވުމުގައި ކުރިޔަށް ނުދެވި އަދި ވަޒީފާވެސް ނުލިބި އުޅޭ ޒުވާނުން މި ފްރޮގްރާމްގެ ދަށުން ފުލުހުންނާއި ސިފައިންގެ ހިދުމަތާއި ގުޅެން މަޖްބޫރުވާނެކަަމަށް ރައީސް ވަނީ ވިދާޅުވެފައެވެ.
