ބަންގްލަދޭޝްއާ ދެކޮޅަށް މީގެ ތިން ދުވަސް ކުރިން ކުޅުނު، ފީފާ ރެޖިސްޓާޑް އެކުވެރިކަމުގެ މެޗުން ދިވެހި ޓީމުވަނީ މޮޅުވެފައެވެ. އެ ދުވަހު ރާއްޖެ މޮޅުވީ އެއް ލަނޑު ސުން ލަނޑުންނެވެ. ދިވެހި ޓީމުގެ ލަނޑު ޖެހީ އަލީ ފާސިރު އެވެ.
މިއަދު ކުޅެން ޖެހޭ މެޗު އުނދަގޫވާނެކަން ގަބޫލުކުރަން ޖެހޭ ކަމަށާއި އެކަމަކު، އެކަންކަމަށް ވިސްނައި، ރަނގަޅަށް ތައްޔާރުވެގެން މަސައްކަތްކޮށްފިނަމަ ނަތީޖާއެއް ނެރެވޭނެ ކަމުގެ އިތުބާރު ގައުމީ ފުޓްބޯޅަ ޓީމުގެ ކޯޗު، އަލީ ސުޒޭންވަނީ ބުނެފައެވެ
"ހުންނާނެ އުނދަގޫ ކަންކަން. އެކަމަކު، ގަބޫލުކުރަން ޖެހޭ، ގައުމީ ޓީމުގައި މި ހިމެނޭ ކުޅުންތެރިން އެއް ރޫހެއްގައި އެ ކުރާ މަސައްކަތް. ކަމެއް ސާބިތުކޮށްދޭން ބޭނުންވާތީ، އެއް ޖޯޝެއްގައި މޮޅުވާން ކުރި މަސައްކަތުން ނަތީޖާ ނެރެފައި އެ އޮތީ ފުރަތަމަ މެޗުގައި، އިރާދަކުރެއްވިއްޔާ، އެ މަސައްކަތް އެ އަށް ވުރެ ރަނގަޅަށް ދެ ވަނަ މެޗުގައި ވެސް ކުރާނެ ކަމުގެ އިތުބާރު އެބައޮތް،" ސުޒޭން ބުންޏެވެ.
ރާއްޖެ އާއި ބަންގްލަދޭޝް ކުޅޭ މެޗު ފަށާނީ މިއަދު ހަވީރު 17:00 ގަ އެވެ.
