ފުޓްބޯޅަ ކުޅުން ހުއްޓާލަންވެސް ވިސްނި ކަމަށާއި އެހެންނަމަވެސް މިހާރު ޓާގެޓަކީ އަލުން ފްރާންސްގެ ގައުމީ ޓީމަށް ކުޅުނު ކަމަށް ބުނެފައިވާ ޕޮގްބާގެ ކޮންޓްރެކްޓް އުވާލިއިރު، އޭނާ އަންނަނީ އަންނަ މާރިޗު މަހު ސަސްޕެންޝަން ނިމުމުން އަލުން ކުޅެން ތައްޔަރުވަމުންނެވެ. މަނާބޭހަށް ޕޮޒިޓިވްވުމުގެ މައްސަލައެއްގައި ޕޮގްބާ، 31، އެންމެ ފުރަތަމަ، ހަތަރު އަހަރަށް ސަސްޕެންޑްކުރި އެވެ. އެހެން ފަހުން، އިންޓަނޭޝަނަލް ކޯޓް އޮފް އާބިޓްރޭޝަން ފޯ ސްޕޯޓްސް (ކާސް) އިން ވަނީ ޕޮގްބާގެ ސަސްޕެންޝަން 18 މަހަށް ކުޑަކޮށްފަ އެވެ.
ސްކައި ސްޕޯޓްސްއަށް ދިން އިންޓަވިޔުއެއްގައި ޕޮގްބާ ބުނީ، އޭނާ ބޭނުން ކުރި ސަޕްލިމެންޓެއްގެ ސަބަބުން ޑޯޕިން ޓެސްޓުން ފެއިލްވި ފެއިލްވުމަކީ އޭނާ ގަސްދުގައި މަނާ ބޭސް ބޭނުންކުރުމަށް ކުރި ކަމެއް ނޫނެވެ. އެހެންނަމަވެސް އެކަމުގެ ފުރިހަމަ ޒިންމާ އުފުލާ ކަމަށް ޕޮގްބާ ބުންޏެވެ. ސަސްޕެންޑް ކުރި ފަހުން އޭނާ މުޅިންވެސް ފިޓްނަސް ހިފެހެއްޓުމުގެ ގޮތުން ޓްރެއިނިންތައް ހަދަމުން އަންނަނީ އެކަންޏެވެ.
ޔުވެންޓަސް އިން ބުނީ މިއީ މި ވަގުތަށް އެންމެ ރަނގަޅު ނިންމުން ކަމަށާއި ޕޮގްބާ އަށް އަބަދުވެސް ކާމިޔާބަށް އެދޭ ކަމަށެވެ. ޕޮގްބާ ވަނީ، އަލުން ޔުވެންޓަސް އަށް ކުޅެލުމުގެ ފުރުސަތު ލިބުނީތީ އުފާކުރާ ކަމަށާާއި ސަސްޕެންޝަނުގައި ހުންނަން ޖެހުނު އެންމެ އުނދަގޫ ވަގުތުގައި ޔުވެންޓަސް އިން ދިން އެއްބާރުލުން އަބަދުވެސް ހަނދާނުގައި ހުންނާނެ ކަމަށް ބުނެފަ އެވެ.
ޕޮގްބާ ކުޅޭނެ ކްލަބެއް އަދި ނުނިންމައި ވަނިކޮށް، ރޮނާލްޑޯވަނީ އަލްނަސްރަށް އައުމުގެ ދައުވަތުގެ ޕޮގްބާއަށް ދީފައި ކަމަށް ރިޕޯޓްތައް ބުނެއެވެ.
