މި މަޝްރޫއު ރައީސް ޑރ. މުއިއްޒު އިފްތިތާހުކޮށްދެއްވީ މިއަދު ރައީސް އޮފީހުގައި މިކަމަށް ބޭއްވި ހާއްސަ ރަސްމިއްޔާތެއްގައެވެ. މި ރަސްމިއްޔާތުގައި އެ ހިދުމަތް ވަނީ ގްރޭޓާ މާލޭ ސަރަހައްދާއި ބައެއް ރަށްރަށުގައި މިހާރު ފަށާފައިވާކަން ވަނީ އިއުލާންކޮށްފައެވެ.
މާލެ ފިޔަވާ މިހާރު އައީޑީ ކާޑު ހަދާދިނުމުގެ ހިދުމަތް ފަށާފައިވަނީ ހުޅުމާލޭގެ ފޭސް އެކަކާއި ދޭއްގެ އިތުރުން ވިލިމާލެ އާއި ހދ. ކުޅުދުއްފުށީގައެވެ. ޕާސްޕޯޓް ހަދާދިނުމުގެ ހިދުމަތް ފަށާފައިވަނީ ހުޅުމާލޭ ފޭސް އެކަކާއި ފޭސް ދޭއްގެ އިތުރުން ވިލިމާލެ އާއި ލ. ފޮނަދޫ އަދި ދ. ކުޑަހުވަދޫ ގައެވެ.
އަންނަ އަހަރު ހުރިހާ އަތޮޅެއްގައި އައިޑީ ކާޑާއި ޕާސްޕޯޓު ހެދުމުގެ ހިދުމަތް ފެށުމަށް ނިންމާފައިވާއިރު އެކަން އެކި ހިސާބުތަކުގައި ފެށިގެން ދާނެ ތާރީހްތައްވެސް ހޯމް މިނިސްޓްރީން މިއަދު ވަނީ އާއްމުކޮށްފައެވެ.
އަންނަ އަހަރު ހިދުމަތް އެކި ހިސާބުގައި ފަށާނެ ގޮތުގެ ތާވަލް
- ހއ. އިހަވަންދޫގައި އޮގަސްޓް 2025 ގައި ޕާސްޕޯޓު ހިދުމަތް އަދި އައިޑީކާޑު ހިދުމަތް މެއި މަހު ފަށާނެ
- ހދ. މަކުނުދޫގައި ޕާސްޕޯޓު ހިދުމަތް ސެޕްޓެމްބަރުގައި އަދި އައިޑީކާޑު ހިދުމަތް ފެބްރުއަރީގައި ފަށާނެ
- ށ. ފުނަދޫ ޑިސެމްބަރު މަހު ޕާސްޕޯޓް ޖޫން މަހު އިޑީކާޑު ހިދުމަތް ފަށާނެ.
- ށ. މިލަންދޫގައި ޖުލައި މަހުގެ ޕާސްޕޯޓު އަދި ޖޫން މަހު އައިޑީކާޑު ހިދުމަތް ފަށާނެ.
- ނ. އަތޮޅުގައި ޖުލައި މަހުގެ ޕާސްޕޯޓާއި އައިޑީކާޑު ހިދުމަތް ފަށާނެ.
- ރ. އަތޮޅުގައި މެއި މަހު ޕާސްޕޯޓާއި އައިޑީކާޑު ހިދުމަތް ފަށާނެ.
- ބ. އަތޮޅުގައި ޕާސްޕޯޓު ހިދުމަތް ޑިސެމްބަރުގައި އަދި އައިޑީކާޑު ހިދުމަތް އޮގަސްޓުގައި ފަށާނެ.
- ޅ. އަތޮޅުގައި ޕާސްޕޯޓު ހިދުމަތް އޭޕްރީލްގައި އަދި އައިޑިކާޑުގެ ހިދުމަތް ސެޕްޓެމްބަރުގައި ފަށާނެ.
- އއ އަތޮޅުގައި ޕާސްޕޯޓު ސެޕްޓެމްބަރުގައި އަދި އައިޑީކާޑު އޮކްޓޫބަރުގައި ދޫކުރާނެ.
- އދ. އަތޮޅުގައި މާޗު މަހު ޕާސްޕޯޓު އަދި އައިޑީކާޑު އޮގަސްޓުގައި ދޫކުރާނެ.
- ވ. އަތޮޅުގައި ޕާސްޕޯޓު ޑިސެމްބަރުގައި އަދި އައިޑީކާޑު ނޮވެމްބަރުގައި ދޫކުރާނެ.
- މ އަތޮޅުގައި ޕާސްޕޯޓު ހިދުމަތް އޮގަސްޓުގައި އަދި އައިޑީކާޑު އޮކްޓޫބަރުގައި.
- ފ. އަތޮޅުގައި ޕާސްޕޯޓު ހިދުމަތް ޖޫން މަހު އަދި އައިޑީކާޑު ސެޕްޓެމްބަރުގައި.
- ތ. އަތޮޅުގައި ޕާސްޕޯޓު ފެބްރުއަރީގައި އަދި އައިޑީކާޑު ޖުލައި މަހުގެ ތެރޭގައި.
- ގއ. ގައި ޕާސްޕޯޓު ހިދުމަތް ޖެނުއަރީގައި
- ސ. ހުޅުމީދޫގައި ޕާސްޕޯޓު ހިދުމަތް ނޮވެމްބަރުގައި އަދި އައިޑީކާޑު ހިދުމަތް އޭޕްރީލްގައި.\
ހުރިހާ އަތޮޅެއްގައި އައިޑީ ކާޑާއި ޕާސްޕޯޓު ހެދުމުގެ ހިދުމަތް ފެށުމުގެ މަޝްރޫއު އިފްތިތާހުކުރުމުގެ ރަސްމިއްޔާތުގެ ތެރެއިން މިނިސްޓަރު އިހްސާން
މި މަޝްރޫއު އިފްތިތާހް ކުރުމުގެ ރަސްމިއްޔާތުގައި ވާހަކަ ދައްކަވަމުން ހޯމް މިނިސްޓަރު އަލީ އިހްސާން ވިދާޅުވީ މުޅި ރާއްޖެގައި ހިދުމަތް ފަށާއިރު އެންމެ ބޮޑު ގޮންޖެހުމަކީ މައުލޫމާތުގެ ރައްކާތެރިކަމާއި އައިޑީކާޑާއި ޕާސްޕޯޓު ފަދަ ސެކިއުއާ ޑޮކިއުމަންޓްތަކެއް ބައިނަލްއަގްވާމީ މިންގަނޑުތަކާ އެއްގޮތަށް ބެލެހެއްޓޭނެ ނިޒާމެއް ގާއިމުކުރުންކަމަށެވެ. އަދި ކުރީ ސަރުކާތުތަކަށްވެސް މިކަން ނުކުރެވި އޮތީ މި ގޮންޖެހުބްތަކުގެ ސަބަބުންކަމަށްވެސް މިނިސްޓަރު އިހްސާން ވިދާޅުވިއެވެ.
މިނިސްޓަރު އިހްސާން ވިދާޅުވީ ހުރިހާ އަތޮޅެއްގައި އައީޑި ކަޑާއި ޕާސްޕޯޓްގެ ހިދުމަތް ފަށާއިރު އެ ތަންތަނުން ޕްރިންޓްކުރެވޭނީ ހަމައެކަނި މާލޭގައި ހުންނަ މައި އިދާރާތަކުން އޮތަރައިޒް ކުރާ އައިޑީކާޑާއި ޕާސްޕޯޓްތައް އެކަނި ކަމަށެވެ.
