އުމްރާނީ ތަރަައްގީއަށް ލޯނު ދޫކުރަން ހާއްސަކޮށް ހުޅުވި ޑިވެލޮޕްމަންޓު ބޭންކުގެ އޮފީސް ހުޅުވީ ކުދިި ވިޔަފާރިތަކަށް ހާއްސަކޮށް ހިންގި ބިޒްނަސް ސެންޓަރު ކޯޕަރޭޝަން (ބީސީސީ) ހުރި އިމާރާތުގަ އެވެ.
ޑިވެލޮޕްމަންޓް ބޭންކުގެ އޮފީސް ހުޅުވައިދެއްވީ ރައީސް ޑރ. މުހައްމަދު މުއިއްޒެވެ. އެ ބޭންކު އުފައްދަވަން އެމަނިކުފާނުގެ ނިންމެވީ މި އަހަރުގެ މެއި، ގަ އެވެ. އެ ބޭންކު ހުޅުވާނެ ކަމަށް ސަރުކާރުން އެންމެ ފުރަތަމަ ބުނީ ޖުލައި މަހުގެ ތެރޭގަ އެވެ.
ޑިވެލޮޕްމަންޓު ބޭންކު ހިންގަން ބޭނުންވާ ލައިސެންސް މޯލްޑިވްސް މަނިޓަރީ އޮތޯރިޓީއިން ދޫކުރީ 13 އޮކްޓޯބަރު ގަ އެވެ. ލައިސެންސް ދޫކުރީ އަހަރެއްގެ ތެރޭގައި ބޭންކިން ހިދުމަތް ދިނުމަށް ޝަރުތު ކުރުމަށްފަހެވެ.
މި ރަސްމިއްޔާތުގައި ޑިވެލޮޕްޕްމަންޓު ބޭންކުގެ ސީއީއޯގެ ނޮއެލް ގްރެގާ ޕެޓަސަން ޖޯންސް ވިދާޅުވީ ރާއްޖެއަށް ފައިދާހުރި ގިނަ ކަންތައްތަކެއް ހިމެނޭކަމުގެ ޔަގީންކަން ދެއްވާފަ އެވެ. އަދި މި ބޭންކުގެ ސަބަބުން ރާއްޖޭގެ އިގްތިސޯދަށް ބޮޑު ބަދަލެއް އަންނާނެ ކަމަށް އޭނާ ވިދާޅުވި އެވެ.
އޭނާ ވިދާޅުވީ މި ބޭންކް ވެގެންދާނީ ހަމައެކަނި ބޮޑެތި ވިޔަފާރިތަކަށް އެހީތެރިވާނެ ބޭންކްއެއް ނޫން ކަމަށާ ބޭންކް ވެގެންދާނީ މެދުފަންތީގެ ވިޔަފާރިތަކަށްވެސް އެހީތެރިކަން ދޭނެ ބޭންކް އަށެވެ. މީގެ އިތުރުން މި ބޭންކް ކުރިއަށްދާނީ ބޭރުގެ ފައިނޭންޝަލް އިންސްޓިއުޓްތަކާ ގުޅިގެންނެވެ.
މި ކުންފުންޏަކީ ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތީން، ދެމެހެއްޓެނިވި އިގުތިސާދީ އަދި އިޖުތިމާޢީ ތަރައްގީއަށް އިންވެސްޓުކުރުމާއި، ޢުމްރާނީ ތަރައްގީއަށް ބޭނުންވާ ފައިސާ ހޯދުމަށް އުފެއްދި ކުންފުންޏެކެވެ.
އަދި، ސިންޑިކޭޝަން ފައިނޭންސް މެދުވެރިކޮށް ޕީއެސްއައިޕީ މަޝްރޫއުތަކަށް ފައިސާ ފޯރުކޮށްދިނުމުގައި ދިމާވާ ގޮންޖެހުންތައް ހައްލުކުރުމާއި، ދިވެހިރާއްޖޭގެ ބޭންކިން ނިޒާމުގައި ބޭރު ފައިސާ ބެހެއްޓުމުގެ ޝައުގުވެރިކަން އިތުރު ކުރުމަށް އެ ބޭންކުން މަސައްކަތް ކުރާނެއެވެ.
ޑިވެލޮޕްމެންޓް ބޭންކުތަކަކީ، ގައުމުގައި އިންޑަސްޓްރީތަކާއި، ވިޔަފާރިތައް އުފައްދާ، ކުރިއެރުވުމަށް ބޭނުންވާ މާލީ އެހީތެރިކަން ފޯރުކޮށްދޭ ބޭންކުތަކެވެ. އެގޮތުން ވިޔަފާރިތައް ފަށައިގަތުމަށް ބޭނުންވާ ލޯނާއި އެހެނިހެން މާލީ އެހީތެރިކަން ވެސް ޑިވެލޮޕްމަންޓް ބޭންކުތަކުން ފޯރު ކޮށްދޭނެ އެވެ.
ރާއްޖޭގައި ޑިވެލޮޕްމަންޓް ބޭންކެއް ގާއިމް ކުރުމަކީ ރައީސް މުއިއްޒުގެ ރިޔާސީ ވައުދުފުޅެކެވެ. އެ ވައުދު ފުއްދުމަށްޓަކައި މި ބޭންކް ހުޅުވުމަށް ވަޒީރުންގެ މަޖިލީހުން ނިންމީ މިދިޔަ ޖެނުއަރީ މަހު އެވެ.
