ޒެމްބިއާ އިންޓަނޭޝަނަލް 2024 ބެޑްމިންޓަން މުބާރާތުގެ އަންހެން ޑަބަލްސްގެ ފައިނަލަށް ނަބާ އަދި ނަބީ ދިޔައީ ސެމީ ފައިނަލުގައި ނަބީ އަޒަރުބައިޖާންގެ ޕެއާ އަތުން 2-1 ސެޓުން މޮޅުވެގެންނެވެ. ސެޓުތައް ދިޔައީ، 19-21، 21-15 އަދި 21-14 އިންނެވެ.
ކުއާޓާ ފައިނަލުގައި ނަބީ އާއި ނަބާ ވަނީ ކުއާޓާ ފައިނަލުގައި، ޒެމްބިއާގެ ބޫޕޭ މާބޯ އާއި ޓުކޫޒާ އެމްބޭވޭގެ ޕެއާ އަތުން 21-04، 21-05 އިން މޮޅުވެފަ އެވެ.
ފައިނަލުގައި ނަބާ އާއި ނަބީގެ ޕެއާ ކުޅޭނީ ސްރީ ލަންކާގެ ހަސީނީ އަމްބަލަންގޮޑަގޭ އާއި ހަސާރާ ވިޖަރަޔަތުނޭގެ ޕެއާއާ އެވެ.
މިއީ، ނަބީ އާއި ނަބާ، ރިވައިވަލްއާ އެކު، ވާދަކުރާ ދެ ވަނަ މުބާރާތެވެ. ފުރަތަމަ މުބާރާތުގައި މިދިޔަ އަހަރު ޔޫގާންޑާ ސީރީސްގެ އަންހެން ޑަބަލްސް އިން ސެމީ ފައިނަލުގައި ކުޅެ ލޯ މެޑަލް ހޯދި އެވެ. މި ފަހަރު އެ ޕެއާއަށް ރަން ނުވަތަ ރިހި މެޑަލް ކަށަވަރުވީއެވެ.
