ސަރުކާރަށް އެއްއަހަރު ފުރުމުގެ މުނާސަބަތުގައި ބޭއްވި ޖަލްސާގައި ވާހަކަ ދައްކަވަމުން ރައީސް މުއިއްޒު ވަނީ 4000 ފަލްޓް ލިބޭ މީހުންގެ ލިސްޓު މި ސަރުކާރުން ނުނެރި ލަސްވާ ސަބަބުތައް ހާމަކޮށްދެއްވާފައެވެ.
ރައީސް މުއިއްޒު ވިދާޅުވީ 4000 ފްލެޓްގެ ލިސްޓުގައި ބަލަންޖެހޭ ކަންކަން ހަމަ ބޮޑީކަމަށެވެ. އަދި އޭސީސީންވެސް ގިނަ ކަންތަތަކެއް ބަލާ ފާހަގަކޮށްފައިވާކަމަށް ވިދާޅުވެ މިދިޔަ ސަރުކާރުން އުސޫލާއި ހިލާފަށް ކޮށްފައިވާ ބައެއް ކަންކަން ވަނީ ރައީސް މުއިއްޒު ފާހަގަކުރައްވާފައެވެ.
ރައީސް މުއިއްޒު ވިދާޅުވީ މި ސަރުކާރުން ފްލެޓް ލިސްޓު ބަލާ މުރާޖައާ ކުރަމަށް ފަހު ނޭރޭނީ ވަރަށް ދެ ފުށް ފެންނަ ގޮތަށްކަމަށެވެ.
އުސޫލާއި ހިލާފަށް ކުރީ ސަރުކާރުގެ އިސްވެރިންގެ އާއިލީ ފަރާތްތަކަށް ފްލެޓް ދީފައިވާކަމަށްވެސް ރައީސް މުއިއްޒު ވިދާޅުވިއެވެ. އެގޮތުން ނުފޫޒު ގަދަ އާއިލާއެއްގެ އެއް މެމްބަރުންނަށް ގިނަ އަދަދެއްގެ ފްލެޓް ބަހާފައި ހުރިކަމަށްވެސް ރައީސް މުއިއްޒު ވިދާޅުވިއެވެ.
މީގެ އިތުރުން ފޯޓަލަށް ހުށައެޅި ލިޔުންތަކުގެ އިތުރުން ބައެއް ފަރާތްތަކުގެ ލިޔުންތައް ބަލައިގަނެ ފްލެޓް ދީފައިވާކަމަށާއި ފޯމެއްވެސް ނުލާ ހަމައެކަނި އައީޑީކާޑް އެއްފަޅި ހުށައަަޅައިގެން ފްލެޓް ދީފައިވެސް އެބަހުރިކަމަށް ރައީސް މުއިއްޒު ވިދާޅުވިއެވެ.
ރައީސް މުއިއްޒު ވިދާޅުވީ ފްލެޓް ލިސްޓު ނެރޭނީ އެ ހުރިހާކަމެއް ބެލުމަށްފަހު އިންސާފުވެރިކަމާއި އެކީގައިކަމަށެވެ. އަދި އެމަނިކުފާނު ހުރިހާކަމެއްވެސް ކުރާނީ ތެދުވެރިކަމާއި އަމާނާތްތެރިކަމާއި އެކުކަމަށްވެސް ރައީސް މުއިއްޒު ވިދާޅުވިއެވެ.
މިދިޔަ ސަރުކާރުން ތައާރަފުކުރި ގެދޮރުވެރިޔާގެ ސްކީމުން 4000 ފެލްޓް ލިބުނު މީހުންގެ ލިސްޓް ނެރެން ތާފާތު އެތައް ތާރީހުތަކެއް ދިނުމަށްފަހު ލިސްޓު ނެރުން މުއްދަތެއް ނެތްގޮތަށް ފަސްކުރިކަން ހައުސިން މިނިސްޓްރީން އިއުލާންކުރީ އިއްޔެއެވެ.
