ރައީސް މިހެން ވިދާޅުވީ، ސަރުކާރަށް އެއް އަހަރު ފުރުމާއި ގުޅިގެން ޒުވާނުންގެ މަރުކަޒުގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ބޭންކުން ރަސްމީކޮށް ޑޮލަރު ވިއްކާ ރޭޓަކީ އަދިވެސް 15.42 ރުފިޔާ ކަމަށްވީ ނަމަވެސް، ކަޅުބާޒާރުގައި ޑޮލަރުގެ އަގު ވަނީ ވަރަށް ބޮޑަށް އުފުލިފަ އެވެ. މިގޮތުން، މިހާރު ކަޅުބާޒާރުގެ ޑޮލަރު ވިއްކާ ރޭޓު ހުރީ 19 ރުފިޔާއަށް ވުރެ މަތީގަ އެވެ.
ރައީސް ވިދާޅުވީ ޑޮލަރު މާރުކުރުމުގެ ގަވާއިދަށް އަމަލުކުރަން ފެށުމާއެކު، ރަސްމީ ރޭޓުގައި އެސްއޯއީތަކަށް ޑޮލަރު ގަނެވޭނެ އިންތިޒާމު ހަމަޖެހިގެންދާނެ ކަމަށާއި އަދި މި ގަވާއިދުގެ އިތުރު ފައިދާއެއްގެ ގޮތުގައި މިހާރު ރާއްޖެއިން ބޭރަށް ފުރާ ކޮންމެ ދިވެއްސަކަށް އެއާޕޯޓުން ދޫކުރަމުންދާ 500 ޑޮލަރު 1،000 ޑޮލަރަށް އިތުރުކުރެވޭނެ ކަމަށެވެ.
އޭގެ އިތުރަށް އަންނަ ޖަނަވަރީން ފެށިގެން ދެމެހެއްޓެނެވި ގޮތަކަށް ޑޮލަރު މާރުކުރުމުގެ ކަންކަން ކުރެވޭނަމަ 2026 ވަނަ އަހަރުގެ ފުރަތަމަ ކުއާޓާއަށް އަންނަންވާއިރަށް ކްރެޑިޓު ކާޑުތަކުގެ ލިމިޓު 750 ޑޮލަރުން 1،400 ޑޮލަރަށް އިތުރުކުރެއްވޭނެ ކަމުގައި ރައީސް މުއިއްޒު ވިދާޅުވި އެވެ.
މީގެއިތުރުން ރައީސް މިރޭ ވަނީ ރިސޯޓުތަކަށް ލިބޭ ޑޮލަރު ރާއްޖޭގެ ބޭންކްތަކުން މާރުކުރަން ލާޒިމްކޮށް ހަދާފައިވާ ގަވާއިދު ބަދަލުނުކުރައްވާނެ ކަމަށްވެސް ވިދާޅުވެފަ އެވެ.
- އިތުރަށް ކިޔާލަން: ގަވާއިދު ބަދަލު ކުރެވޭކަށް ނެތް، 500 ޑޮލަރު ޖެހޭނީ މާރުކުރަން: ރައީސް
ރައީސް މިހެން ވިދާޅުވީ ރިސޯޓަށް އަންނަ ކޮންމެ ޓުއަރިސްޓަކަށް 500 ޑޮލަރުގެ މަގުން ޑޮލަރު މާރުކުރަން ގަވައިދު މިހާރު ލާޒިމު ކުރި ނަމަވެސް އެ ކަން ނުވާނެ ކަމަށް ބުނެ ގިނަ ރިސޯޓު ވިޔަފާރިވެރިން ސަރުކާރަށް އެކަން އަންގަމުން ދަނިކޮށެވެ.
