ވިއްސާރަވެ މާލޭގައި ފެންބޮޑުވެފައި
ކުރިޔަށް އޮތް 3 ދުވަހުވެސް ބޯކޮށް ވާރޭ ވެހޭނެ: މެޓް
މުހައްމަދު އާދަމް އަހްމަދު
18 ނޮވެންބަރ 2024 - 11:11:32
ކުރިޔަށް އޮތް 3 ދުވަހުވެސް މުޅި ރާއްޖެއަށް ގުގުރުމާއި އެކު ބޯކޮށް ވާރޭ ވެހޭނެކަމަށް މޫސުމާއި ބެހޭ ގައުމީ އިދާރާއިން ބުނެފިއެވެ.
Advertisement
މެޓް އޮފީހުން ބުނީ މިހާރު މި ކުރާ ވިއްސާރައަކީ ރާއްޖެ ސަރަހައްދުގައ ހުޅަނގު މޫސުން ނިމި އިރުވައި މޫސުމް ފެށޭ ދުވަސްވަރާ ދިމާކޮށް އުފެދިފައިވާ ލޯ ލެވެލް ސާކިއުލޭޝަނަކާއި ގުޅިގެން ކުރަމުންދާ ވިއްސާރައެއްކަމަށެވެ.
"މި ވިއްސާރަ ކުރިޔަށް އޮތް ތިން ދުވަހުވެސް ރާއްޖޭގެ ސަރަހައްދަށްކޮށް ރަށްތަކަށް ބޯކޮށް ވާރޭ ވެހި ގުގުރާނެކަމަށް ބެލެވޭ." މެޓް އޮފީހުން ބުނެއެވެ.
މިހާރު ކުރަމުން ދާ ވިއްސާރާގައި ވޭތުވެދިޔަ 24 ގަޑިއިރު އެންމެ ގިނައިން ވާރޭ ވެހުނީ އައްޑޫ ސިޓީ ހިތަދޫއަށްކަމަށް މެޓް އޮފީހުން ބުނެއެވެ. އެރަށަށް 110 މިލިމީޓަރު ވާރޭ ވެހިފައިވާކަމަށް މެޓް އޮފީހުގެ ރެކޯޑްތަކުން ދައްކައެވެ.
ގުގުރުމާއި އެކު މުޅި ރާއްޖެއަށް ބޯކޮށް ވާރޭ ވެހޭނެތީ މޫސުމަށް ސަމާލުވުމަށް މެޓް އޮފީހުން ވަނީ އިލްތިމާސްކޮށްފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
