މި މަސައްކަތް އެ ކުންފުންޏައި ހަވާލުކޮށް އެކަމުގެ އެއްބަސްބުމުގައި ސޮއިކުރީ ސަރުކާރަށް އަހަރެއް ފުރުނު ދުވަހާއި ދިމާކޮށް އިއްޔެއެވެ.
މި މަސައްކަތް ކުރިން ހަވާލުކޮށްފައިވަނީ ފެނަކައާއެވެ. އެ ކުންފުންޏާއި މި މަސައްކަޔް ހަވާލުކޮށް އެއްބަސްވުމުގައި ސޮއިކުރީ 25 ޖެނުއަރީ 2023 ގައެވެ. އޭރު މި މަސައްކަތް އެ ކުންފުންޏާއި ދިނީ 180 ދުވަހުގެ ތެރޭގައި މަސައްކަތް ނިންމާގޮތަށެވެ.
ނިލަންދޫ ނަރުދަމާގެ މަސައްކަތް އެމްޑަބްލިއުއެސްސީ ހަވާލުކުރު އެއްބަސްވުމުގައި އެ ކުންފުނީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަބްދުލްމަތީން މުހައްމަދެވެ. އިންފްރާސްޓްރަކްޗާ މިނިސްޓްރީގެ ފަރާތުން ސޮއިކުރީ ސްޓޭޓް މިނިސްޓަރު އިބްރާހީމް ތައާމް މުހައްމަދުއެވެ.
މި މަސައްކަތް އެމްޑަބްލިޔުއެސްސީއާ ހަވާލުކޮށްފައިވަނީ 540 ދުވަހުގެ ތެރޭގައި ނިންމާގޮތަށެވެ.
400 މިލިއަން ރުފިޔާގެ ދަރަންޏެއްގައި އޮތް ފެނަކައިގައި ހުރި އެ ކުންފުންޏާއި ނުގުޅޭ މަޝްރޫއުތައް ނަގާ ކަމާއި ގުޅޭ ކުންފުނިތަކާއި ހަވާލުކުރަން ސަރުކާރުން ވަނީ ނިންމާފައެވެ.
