އެމްޑީ ފަހުމީ މިކަން ހާމަކުރެއްވީ ރައީސް ޑރ.މުހައްމަދު މުއިއްޒުގެ ސަރުކަރަށް 1 އަހަރު ދުވަސް ފުރުމާ ގުޅިގެން ދައުލަތުގެ މީޑިއާއަށް މައުލޫމާތު ދެއްވަމުންނެވެ.
ސަރުކާރުގެ ފުރަތަމަ 52 ހަފްތާ ތެރޭގައި ކުރި މުހިއްމު މަސައްކަތްތަކަށް އަލިއަޅުއްވާލަމުން ފަހުމީ ވަނީ ކުންފުންޏާ ހަވާލުވެވަޑައިގަތުމަށްފަހު ކުރިމަތިވި އެންމެ ބޮޑު ގޮންޖެހުމަކީ މުވައްޒަފުންގެ ނުތަނަވަސްކަން ކަން ފާހަގަ ކުރައްވާފަ އެވެ. އެގޮތުން 1 އަހަރު ނިމިދިިޔައިރުވެސް އެއްވެސް މުވައްޒަފެއް ވަޒީފާއިން ވަކި ނުކުރާކަމަށް ސްޓެލްކޯ އެމްޑީ ވިދާޅުވިއެވެ.
ފާއިތުވި 2023 ވަނަ އަހަރަކީ ކުންފުންޏަށް 20 މިލިއަން ރުފިޔާގެ ގެއްލުން ލިބުނު އަހަރެއް ކަމަށްވީނަމަވެސް މިއަހަރު ނިމިގެންދާނީ 120 މިލިއަން ރުފިޔާގެ ފައިދާގައި ކަަމަށް ފަހުމީ ވިދާޅުވި އެވެ.
އޭގެއިތުރުން މިއަހަރު ނިމުމުގެ ކުރިން ސްޓެލްކޯއިން ސްމާޓް މީޓާ ތައާރަފްކޮށް، މިއަންނަ 2025 ވަނަ އަހަރު ނިމުމުގެ ކުރިން ރައީސް ޑރ. މުހައްމަދު މުއިއްޒުގެ ވެރިކަމަށް 2 އަހަރު ފުރުމުގެ ކުރިން ސްޓެލްކޯގެ ހުރިހާ ކަސްޓަމަރުންނަށް، ސަމާޓް މީޓަރުގެ ހިދުމަތް ފޯރުކޮށްދޭނެ ކަމުގެ ޔަގީން ކަން ފަހުމީ ދެއްވި އެވެ.
މިހާރު އޮންނާނީ ޕައިލެޓް ޕްރޮޖެކްޓް ހިންގާ އެ އިފްތިތާހު ކުރާ ހިސާބަށް ދެވިފައި ކަމަށާއި މިއަހަރު ނިމުމުގެ ކުރިން ހުޅުމާލޭ 2 ވަނަ ފޭސްގައި ސްމާޓް މީޓާ ގެ ހިދުމަތް ފަށާނެ ކަމަށްވެސް އެމްޑީ ވިދާޅުވި އެވެ.
