އަންނަ އަހަރަށް ލަފާކޮށް ދައުލަތުން ހުށައަޅަފައިވަނީ 56.6 ބިލިއަން ރުފިޔާގެ ބަޖެޓެކެވެ. ބަޖެޓް ހުށައަޅުއްވަމުން ފިނޭންސް މިނިސްޓާރު މުސާ ޒަމީރު ވިދާޅުވީ އަންނަ އަހަރުގެ ބެޖެޓުގައި ހަރަދުގެ ގޮތުގައި ހިމެނެނީ 49.2 ބިލިއަން ރުފިޔާކަމަށެވެ. އެއީ ރިކަރަންޓް ހަރަދުގެ ގޮތުގައި 35.9 ބިލިއަން އަދި ކެޕިޓަލް ހަރަދުގެ ގޮތުގައި 35.9 ބިލިއަން ރުފިޔާކަމަށް ޒަމީރު ވިދާޅުވިއެވެ.
ބަޖެޓް ބަހުސްގައި ވާހަކަ ދައްކަވަމުން ސަރުކާރު ކޯލިޝަންގައި ހިމެނޭ އެމްޑީއޭފެ ލީޑަރު އަހްމަދު ސިޔާމް ވަނީ ބަޖެޓް ހަރަދުކުރާނެ ގޮތުގެ ތަފްސީލުތައް ބަޖެޓްގައި ޖަހާފައިނެތުމުން އެކަމުގެ ނުުރުހުމާއި ކަންބޮޑުވުން ފާޅުކުރައްވާފައެވެ.
ތަފްސީލުތައް ނެތުމުން ސިޔާމް ވަނީ ރައްޔިތުންގެ ހައްގުގައި އެ ބަޖެޓް އަނބުރާ ގެންގޮސް ތަފްސީލުތައް އެނގޭނެހެން އަލުން ހުށައަޅާދިނުމަށް ސަރުކާރަށް ގޮވާލާފައެވެ.
ސިޔާމް ވިދަޅުވީ މިހާރު ބަޖެޓް އޮތް ގޮތުން އެއީ ސައްތައިން ސައްތަ ރަނގަޅު އެއްޗެކޭ ބުނަން ހެޔޮ ނުވާނެކަމަށެވެ. އަދި ބަޖެޓް މިހާރު އޮތް ގޮތުން އެ ބަޖެޓަށް ވޯޓް ދީފިނަމަ ނޭގެެ ކަމަކަށް ވޯޓުދެވޫނީ ކަމަށް ވިދާޅުވެ އެކަމުގައި ދީނީގޮތުންވެސް ނުރައްކާކަން ސިޔާމް ފާހަގަކުރެއްވިއެވެ.
އަންނަ އަހަރަށް ދައުލަތުން ލަފާކުރި ބަޖެޓްގެ ބަހުސް މިއަދު ނިންމާލަން ގަސްދުކުރާކަމަށް މިއަދުގެ ޖަލްސާ ފައްޓަވަމުން ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ ވަނީ ވިދާޅުވެފައެވެ.
ބަޖެޓް ދިރާސާ ކުރުމުގެ މަސައްކަތް މިމަހުގެ 20 ވަނަ ދުވަހުގެ ނިޔަލަށް ނިންމަން ބަޖެޓް ދިރާސާކުރާ ކޮމިޓީންވެސް ވަނީ ފާސްކޮށްްފައެވެ.
