އިޓަލީގެ ޗެމްޕިއަންކަން މިދިޔަ ސީޒަންގައި ނަޕޯލީއަށް ހޯދައިދިނުމުގައި މުހިއްމު ދައުރެއް ކުޅުނު، އަދި މިހާރު ލޯނެއްގެ ދަށު ތުރުކީގެ ގަލަތަސަރާއީއަށް ކުޅޭ ފޯވާޑު އޮސީމެން، ގެންނަން ޔުނައިޓެޑުން އަންނަ ޖަނަވަރީ މަހު ބިޑު ކުރާނެ ކަމަށް ބެލެވެއެވެ.
މީޑިއާ ރިޕޯޓްތައް މިހެން ބުނި ނަމަވެސް ޔުނައިޓެޑުން ރަސްމީކޮށް އަދި މި ވާހަކަ ނުދައްކައެވެ.
ވިކްޓާ އޮސީމެން އަކީ 1999 ވަނަ އަހަރުގެ ފަހުން އެފްރިކާގެ މޮޅު ކުޅުންތެރިޔާގެ މަގާމު ހޯދި ނައިޖީރިއާގެ ފުރަތަމަ ކުޅުންތެރިޔާއެވެ. 2022/2023 ވަނަ އަހަރުގެ ސީޒަންގައި ކުޅުނު 32 މެޗުން އޮސީމެން ވަނީ 26 ގޯލް ޖަހާފައެވެ.
ނަޕޯލީން 33 އަހަރުގެ ތެރޭގައި ފުރަތަމަ ފަހަރަށް ލީގު ހޯދުމުގައި އޭނާގެ ދައުރު ބޮޑެވެ. އިޓަލީގެ ފުޓްބޯޅަ ފެޑެރޭޝަނުން ހޮވި އަހަރުގެ އެންމެ މޮޅު ކުޅުންތެރިއަކީވެސް އެ އަހަރުގެ އޮސީމެންއެވެ. ބެލޮންޑިއޯ އެވޯޑްގެ ގަދަ ދިހައެއްގައި ހިމެނުނު ފުރަތަމަ ނައިޖީރިޔާ ކުޅުންތެރިއަކީ ވެސް އޮސީމެން އެވެ.
