ދެމަފިރިން ވަކިވާން ނިންމި ކަމުގެ މައުލޫމާތު ހާމަކޮށްފައިވަނީ އެ ދެމަފިރިންގެ ޓީމުންނެވެ. އަދި އޭއާރު ރަހުމާން ވެސް ވަނީ ސޯޝަލް މީޑިއާގައި މި ކަން ކަށަވަރުކޮށްފަ އެވެ. އޭނާ ބުނީ 30 އަހަރު ފުރިހަމަ ކުރެވޭނެ ކަމަށް އުންމީދު ކުރި ނަމަވެސް އެކަން ނުވިކަމަށެވެ.
އޭއާރު ރަހުމާނާއި ސައިރާ ބާނޫގެ އަށް ވަނީ ތިން ދަރިންނެވެ. އެ ދަރިން ވެސް ވަނީ ސޯޝަލް މީޑިއާގައި ޕޯސްޓުތަކެއް ކޮށް، މި ދަނޑިވަޅުގައި އާއިލާއަށް ޕްރައިވަސީ ދިނުމަށް އެދިފަ އެވެ.
އިންޓަވިއުއެއްގައި އޭއާރު ރަހުމާން ބުނެފައިވަނީ 29 އަހަރުގައި އޭނާ މިއުޒިކްގައި އެހާ ބިޒީކޮށް އުޅުމުގެ ސަބަބުން އިތުރު އަންބަކު ހޯދާނެ ވަގުތެއް ނެތް ކަމަށެވެ. އެހެންކަމުން މަންމަ ކައިރިން އިންނާނެ ހޯދައިދިނުމަށް އެދުނުކަމަށެވެ. އަދި އޭނާ ބޭނުންވީ ތަވާޒުއުވެރި އަދި އުނދަގޫ ނުކުރާނެ މީހެއް ކަމަށް ވެސް ބުނެފައިވެ އެވެ.
