އެޗްޑިސީން ބުނީ ކ. ތިލަފުށީގެ ފަޅުތެރެ ސަރަހައްދުގައި ގަވާއިދާ ހިލާފަށް އަޅާފައިވާ އުޅަނދުތައް ނަގައި، އެ ސަރަހައްދު ސާފުކުރުމުގެ މަސައްކަތް އެކޯޕަރޭޝަނުން ކުރަމުން އަންނަކަމަށެވެ.
އެ ކޯޕަރޭޝަނުން މިއަދު ކުރި އިއުލާންގައިވަނީ އުޅަނދުތައް ނަގަމުން އަންނަ ސަރަހައްދާއި އެ ސަރަހައްދުގައި އަޅާފައިވާ ބައެއް އުޅަނދުތައް ފެންނަ ފޮޓޯއެއް އާއްމުކޮށްފައެވެ.
ތިލަފުށީ ފަޅުން އުޅަނދުތައް ނަގަން އަންގާފއިވާ ސަރަހައްދު
އެޗްޑީސީން ވަނީ އެ ކޯޕަރޭޝަނުން ފާހަގަކޮށްފައިވާ ސަރަހައްދުގައި އަޅާފައިވާ އުޅަނދުތަކުގެ ތެރެއިން އެއްވެސް އުޅަނދެއްގެ ވެރިފަރާތެއް ވާނަމަ، ތިލަފުށި އޮޕަރޭޝަންސް ޑިޕާޓްމަންޓާ ގުޅޭ ނަންބަރު؛ 9398888 އަށް ގުޅާ މައުލޫމާތު ސާފުކުރުމަށް ފަހު ނަަގަން އަންގާފައެވެ. އަދި މި އުޅަނދުތައް މިއަދުން ފެށިގެން 15 ދުވަހުގެ ތެރޭގައި ނެގުމަށްވެސް އެޗްޑީސީން ވަނީ އަންގާފައެވެ.
ތިލަފުށީގެ އިތުރުން ހުޅުމާލޭގައިވެސް ގަވައިދާ ހިލާފަށް ޕާކުކޮށްފައިވާ އުޅަނދުތައް ނެގުމުގެ މަސައްކަތް އެޗްޑީސީން އަންނަނީ ކުރަމުންނެވެ.
