އިންފޮމޭޝަން ކޮމިޝަނަރުގެ އޮފީހުން (އައިކޮމް) ބުނީ، އެ މައްސަލައާ ގުޅިގެން ބޭއްވި ބައްދަލުވުމަށް ހައުސިން މިނިސްޓްރީން ހާޒިރުނުވުމުން އެ މިނިސްޓްރީ ޖޫރިމަނާކުރަން ނިންމީ ކަމަށެވެ. އެ ބައްދަލުވުން ތާވަލުކޮށްފައި އޮތީ މި މަހުގެ ހަތް ވަނަ ދުވަހަށެވެ.
މައުލޫމާތު ހޯދައި ލިބިގަތުމުގެ ގަވާއިދުގައިވާ ގޮތުން، އައިކޮމްގެ ބައްދަލުވުމަކަށް ހާޒިރުވާން އެންގުމުން، މަގުބޫލު އުޒުރެއް މެދުވެރިވެގެން ނޫނީ ހާޒިރުވާން ޖެހެ އެވެ. އަދި ހާޒިރު ނުވެވޭނަމަ، ބައްދަލުވުން ފެށުމުގެ އެއް ގަޑިއިރު ކުރިން އެކަން އަންގަން ޖެހެ އެވެ.
މި މައްސަލަ ޖޫރިމަނާކުރި އިރު، ވެރިކަންކުރާ ޕީއެންސީން ވަނީ މި މައްސަަލައިގައި ބަޔާނެއްވެސް އިއްޔެ ނެރިފައެވެ. އެ ބަޔާނުގައި ބުނެފައިވަނީ މައުލޫމާތު ހޯދުމުގެ ހައްގުގެ ގާނޫނުގެ ދަށުން ހޯދަން ހުށަހަޅާ މައުލޫމާތުތައް ސަރުކާރުން ފޯރުކޮށްދެމުން އަންނަ ކަމަށެވެ.
