ބޮޓްސްވާނާ މުބާރާތުގެ ގަދަ 16 ބުރުގައި، ފިރިހެން ސިންގަލްސްގައި ރިވައިވަލްގެ ޒަޔާން ވަނީ އަޒަރުބައިޖާންގެ ކުޅުންތެރިޔާ އަތުން މޮޅުވެފަ އެވެ. އެ ކުޅުންތެރިޔާއަކީ މި ފަހުން ނިމުނު ޒެމްބިއާ މުބާރާތުގައި ދެ އިވެންޓަކުން ރަން މެޑަލް ނެގި ކުޅުންތެރިއެކެވެ.
ފިރިހެން ސިންގަލްސްގެ ކުއާޓާ ފައިނަލުން ނިބާލް އަހުމަދު ޖާގަ ހޯދީ ބޮޓްސްވާނާގެ ކުޅުންތެރިއެއް އަތުން މޮޅުވެގެންނެވެ. ނިބާލް، ކުއާޓާގައި ކުޅޭނީ މުބާރާތުގެ ފިރިހެން ސިންގަލްސްގެ އެއް ވަނަ ސީޑު، އަޒަރުބައިޖާންގެ ޑިކީ ޑްވީ ޕަންގެސްޓޫއާ އެވެ. ޒަޔާން ކުއާޓާގައި ކުޅޭނީ މުބާރާތުގެ މި އިވެންޓްގައި ދެ ވަނަ އަށް ސީޑުކޮށްފައިވާ، ޒެމްބިއާގެ ކަލޮމްބޯ މުލެންގާއާ އެވެ.
ފިރިހެން ޑަބަލްސްގައި ޒަޔާން އާއި ނިބާލްގެ ޕެއާ އިން ވަނީ ޔޫގަންޑާގެ ޕެއާ ބަލިކޮށްފަ އެވެ. ކުއާޓާގައި ޒަޔާން އާއި ނިބާލްގެ ޕެއާ އިން ކުޅޭނީ ޒިމްބާބްވޭގެ ޓްރިނިޓީ ޗިޕުމްހޯ އާއި ބްލެސިން މަހްވިރޭގެ ޕެއާއާ އެވެ.
އަންހެން ސިންގަލްސްގައި އައިމިނަތު ނަބީހާ ވަނީ ގަދަ 16 ބުރުގައި މޮޅުވެފަ އެވެ. ކުއާޓާ ފައިނަލުގައި ނަބީހާ ކުޅޭނީ ޔޫގާންޑާގެ ހަރްޝިތާ ސިންގްއާ އެވެ. އަންހެން ސިންގަލްސްގައި ފާތިމަތު ނަބާހާ ކުޅެން އޮތް މެޗުން ވަނީ ވޯކްއޯވާވެފަ އެވެ. ކުއާޓާގައި ނަބާހާ ބައްދަލުކުރާނީ ޖެނީވާ ސިއަމޫޕަންގިލާއާ ދެކޮޅަށެވެ.
