"ސާކް ފިލްމު ފެސްޓިވަލް" ގައި އެންމެ މޮޅު އެކްޓަރުގެ އެވޯޑް ހާސިލުކޮށްފައިވާ އިއްސެ ވަނީ ދިވެހިރާއްޖޭގައި އާޓީސްޓުންނާއި ފިލްމީ ދާއިރާއަށް ދިމާވާ ދަތިތަކާ ގުޅޭގޮތުން މިދިޔަ ހުކުރު ދުވަހު ރާއްޖެ ޓީވީގެ "ފަސް ސުވާލު" ޕްރޮގްރާމުގައި ވާހަކަ ދައްކާފައެވެ.
މިގޮތުން އިއްސެ ފާހަގަކުރިގޮތުގައި ފިލްމީ ދާއިރާއާއި، އާޓިސްޓުންނަށް އެއްވެސް ސަރުކަރަކުން އެކަށީގެންވާ ގޮތެއްގައި އަޅާލާފައެއް ނުވެއެވެ. އަދި ކުޅިވަރުތައް ކުރިއަރުވާގޮތަށް އާޓިސްޓުންނާއި ފިލްމު އިންޓަސްޓްރީ ކުރިއަރުވަން ނޫޅެނީ ކީއްވެތޯ އިއްސެ ވަނީ ސުވާލު ކޮށްފައެވެ.
އިއްސެ ވަނީ މީގެ ކުރިން ދެ ގައުމީ އެވޯޑު ވެސް ހާސިލްކޮށްފައެވެ. އެއީ ފިލްމު "ހޭލާ" އިން ކާމިޔާބު ކުރި އެންމެ މޮޅު ސަޕޯޓިން އެކްޓަރުގެ އެވޯޑާއި މޫމިން ފުވާދުގެ "ލޫދިފާ" އިން އެންމެ މޮޅު އެކްޓަރުގެ މަގާމެވެ. ފިލްމީ ދާއިރާއިން ގައުމީ އެވޯޑުވެސް އިއްސެ ވަނީ ހާސިލްކޮށްފައެވެ.
ކޮޕީ އިއްސެ ބީވީމާގެ ޕޯސްޓާރުގައި
އެންމެ ސިނަމާއެއް ހުރުމަކީ އާޓިސްޓުނަށް އަޅާނުލާކަމުގެ ހެއްކެއް: އިއްސެ
އިއްސެ ބުނީ ދިވެހިރާއްޖޭގައި މޮޅެތި ފިލްމު ލިޔާ މީހުންނާއި ދުނިޔޭގެ ފެންވަރުގެ އާޓިސްޓުން ވެސް އެބަތިބިކަމަށެވެ. އެހެން ކަމުން އާޓިސްޓުން ވަކި ހަރުފަތަކަށް ދިޔަ ނުދީ ހިފަހައްޓާ ކަމުގެ އިހުސާސް ކުރެވޭކަމަށެވެ.
އިއްސެ ބުނީ މިސާލެއްގެ ގޮތުން ދިވެހިރާއްޖޭގައި އެތައް ބައިވަރު ފުޓުބޯޅަ ދަނޑާއި ފުޓްސެލް ދަނޑުވެސް އަޅާކަމަށެވެ. ނަމަވެސް މުޅި ރާއްޖޭގައި ސިނަމާ އެޅުމުގެ ވިސްނުން ނުގެންދާކަމަށެވެ.
އިއްސެ ބުނީ ސަރުކާރުތަކުން ފިލްމީ އިންޑަސްޓްރީއަށް އެކަށީގެންވާ ވަސީލަށްތައް ފޯރުކޮށް ނުދޭތީ ދާއިރާގެ މީހުންގެ މެދުގައި ހަމަނުޖެހުން އުފެދޭކަމަށެވެ.
އާޓިސްޓުން ހިފަހައްޓަން މަސައްކަތް ކުރިއަސް އެކަމެއް ނުވާނެ:
އިއްސެ ބުނީ އާޓިސްޓުނާއި އާޓަކީ ހިފެހެއްޓޭނެ އެއްޗެއް ނޫންކަމަށާއި، މިިގޮތުން އޭގެ މިސާލަކީ ދާދިފަހުން ދިވެހިރާއްޖެ މުޅި ދުނިޔޭގައި ތަމްސީލުކުރަން ދިޔަ "ޓޮޕް މޮޑެލް މޯލްޑިވްސް 2022 ކާމިޔާބުކުރި" ޝައިނާ ކަމަށެވެ.
މަރިޔަމް ޝައިނާ
ދިވެހި ސަރުކާރުން އޮކްޓޫބަރު މަހު 30 ވަނަ ދުވަހު ނެރުނު ބަޔާނެއްގައި ބުނެފައިވަނީ މިސް ޔުނިވާސް މުބާރާތުގައި ދިވެހިން ބައިވެރިވުމަކީ ސަރުކާރުން ބަލައިގަންނަ ކަމެއް ނޫން ކަމަށެވެ.
މި މުބާރާތް ބެއްވީ މި މަހުގެ 14 އިން 16 އަށް މެކްސިކޯގައެވެ. އެ މު ބާރާތަށް ޝައިނާ ދާން ބައެއް މީހުން ދެކޮޅު ހެދިނަމަ ވެސް އޭނަ ވަނީ 130 ގައުމާއި ވާދަކޮށްގެން 30 ވަނަ ހޯދާފައެވެ.
ރާއްޖޭގެ އިތުރުން އެމިރޭޓްސް، ސޯމާލިއާ، ބެލަރޫސް، އިރާން އަދި އުޒްބަކިސްތާނަކީވެސް މި މުބާރާތުގައި އަލަށް ބައިވެރިވިއެވެ.
