އޭނާ މިހެން ވިދާޅުވީ އެމްޑީޕީން އެ ޕާޓީގެ އޮފީހުގައި ބޭއްވި ނޫސްވެރިްނގެ ބައްދަލުވުމުގައެވެ.
މިއަދުގެ ބައްދަލުވުމުގައި އެ ޕާޓީން ވަނީ ރައީސް ޑރ.މުހައްމަދު މުއިއްޒުގެ މި އެޑިއުކޭޝަން މިނިސްޓްރީގައި ހުރި މައްސަލަތައް ފާހަގަކޮށް އެކަމާ މެދު ކަންބޮޑުވުން ފާޅުކޮށްފައެވެ. އެގޮތުން ތައުލީމާ ބެހޭ ކޮމިޓީގެ މުގައްރިރު މުހައްމަދު އިހުސާން ވަނީ އަރަބިއްޔާ ސްކޫލްގެ މައްސަލައަށް އަލިއަޅުއްވާލާފައެވެ.
މިއަހަރުގެ ފެބްރުއަރީ މަހުގެ 24 ވަނަ ދުވަހު އެޑުއުކޭޝަން މިނިސްޓަރު ޑރ.އިސްމާއީލް ޝަފީއު ވަނީ އަރައްބިއްޔާ ސްކޫލް ހެދުމަށް ހަަމަޖެހިފައިވާ ބިމަަށް ވަޑައިގެން ޓްވީޓް އެއް ކުރެއްވި ކަަމަށާއި އެޕޯސްޓްގައި މިނިސްޓަރު ވަނީ އަރަބިއްޔާ ސްކޫލްގެ މަސައްކަތް ހިނގާ ނުހިނގާ ގޮތް ބަލާލުމަށް ވަޑައިގެން ހުންނެވިކަން ހާމަކޮށްފައި ކަަމަށް އިހުސާން ވިދާޅުވިއެވެ. އެހެންނަމަވެސް މިމަހުގެ 17 ގައި އަނެއްކާވެސް އެ ސްކޫލްގެ އަމަލީ މަސައްކަތް ސަރުކާރުން ފެށިކަމަށް އިހުސާން ފާހަގަކުރެއްވިއެވެ.
އެދުވަހު އަރަބިއްޔާގެ އަމަކީ މަސައްކަތްފެށިއިރު އެތަނުގައި ކުރިން ފެށި އަމަލީ މަސައްކަތުގެ އެއްވެސް ހިލަމެއް ފެންނާކަށް ނެތް ކަމަށާއި އެހެންކަމުން މިހާރު ފެނިގެންދަނީ ލޯހަޅި އަދި ރައްޔިތުންނަށް އޮޅުވާލާ މިނިސްޓްރީއެއް ކަމަށް އޭނާ ފާހަގަކުރެއްވިއެވެ. އަދި މި ސަރުކާރުގެ އިސްވެރިްނގެ ފަރާތުން ފެންނަނީ އެފަދަ އަމަލުތައް ތަކުރާރުކުރާތަން ކަމަށާއި ރައީސް ޑރ.މުއިއްޒުގެ ފަރާތުންވެސް ފެންނަނީ ދޮގުހަދާ ރައްޔިތުންނަށް އޮޅުވާލާތަން ކަަމަށް އިހުސާން ނޫސްވެރިންގެ ބައްދަލުވުމުގައި ވިދާޅުވިއެވެ. އެފަދައިން ހަމަ އެޑިއުކޭޝަން މިނިސްޓާގެ ފަރާތުންވެސް ފެންނަނީ އެކަހަލަ އަމަލުތަކެއް ކަމަށް އިހުސާން ވިދާޅުވިއެވެ.
މީގެ ކުރީގައި އަރަބިޔާ ސްކޫލް އެޅުމުގެ މަސައްކަތް އެމްޑިޕީ ސަރުކާރުން އިންތިޒާމްކުރީ ޖަމާލުއްދީން ސްކޫލްގެ ބިށްދޮށުގައި، ބާ ޖަމާލުއްދީންގެ ބިމުގައި ކަމަސާއި އެ ބިމުގަިއ އެ މަސައްކަތް ފަށާ އެއިރުގައިވެސް އެތަނަކީ ސިޓީ ކައުންސިލްގެ ބެލުމުގެ ދަށުގައި އޮތް ބިމެއް ކަމަށްވާއިރު އެ މަސައްކަތް ފެށުމަށް އެ ވަގުތު ހުރަސް އެޅުއްވި ބޭފުޅަކީ އެއިރުގެ މާލޭ ސިޓީ މޭޔަރު، މިހާރުގެ ރައީސް ޑރ.މުހައްމަދު މުއިއްޒު ކަމަށް އިހުސާން ވިދާޅުވިއެވެ.
މިއަދު އެ ބިމަށް އަރަބިއްޔާ ބަދަލުކުރިއިރު ކުރިން އިމާރާތްކުރުމަށް ކަަނޑައަޅަފައި އޮތް ޖާގައަށް ވުރެ މިހާރު ހިރޫ ކުޑަ ޖާގައެއް ކަމަށް އިހުސާން ވިދާޅުވިއެވެ. އަދި ކުރިން 168 ރުފިޔާ އާއި ހަވާލުކުރީ އަރަބިއްޔާ ސްކޫލްގެ އިމާރާތާއި އަދި ޖަމާލުއްދީން ސްކޫލްގެ އިތުރު ކްލާސްރޫމްތަކުގެ އެނެކްސް އާއެކު ކަމަށްވީނަމަވެސް އަރަބިއްޔާ ސްކޫލް ގެ އިމާރާތް ހެދުމަށް އެތައް މިލއަން ރުފިޔާއަކަށް އެ ހަވާލުކޮށްފައިވާކަމަށް އޭނާ ފާހަގކުރެއްވިއެވެ. އަދި ބިން ހަވާލުކޮށް ސަރުކާރުން ބުނަނީ އެއީ 80 މިލއަން ރުފިޔާ ސަލާމަތް ކުރަން ނިންމި ނިންމުމެއް ކަަމަށާއި ކުރީގެ ޕްލޭގައި ހުރި ތަފާތު ކަންކަން އުނިކޮށް އެތައް މިލއަން ހަރަދުކުރަން އެ ހަވާލުކުރީ އެންމެ ސްކޫލެއް އެޅުމަށްކަމަށް ބުނެ އިހުސާން ކަންބޮޑުވުން ފާޅުކުރިއެވެ.
