މިގޮތުން ބުދަ ދުވަހު އެންއެޗްގޭމް އަދިމަޓާޓޯ ކޮމެޓީއަށް ހާޒިރުކުރުމަށް ވަނީ ހަމަޖެހިފަ އެވެ.
މަޖިލީހުގެ 241 ކޮމެޓީގެ މުގައްރިރު އަހުމަދު ސަލީމް ވިދާޅުވީ މި މައްސަލައިގައި ގޮތެއް ނިންމުމުގެ ކުރިން ކަމާބެހޭ ފަރާތްތަކުން މައުލޫމާތު ހޯދުމަށް ސިޓީ ފޮނުވާފައިވާ ކަމަށެވެ. ނަމަވެސް މަޓީ އާއި އެމްޑީޕީން މިހާތަނަށް އެއްވެސް އެއްޗެއް ބުނެފައި ނުވާ ކަމަށް އޭނާ ފާހަގަކުރި އެވެ.
ދިއްގަރު ދާއިރާގެ މެންބަރު އަހުމަދު ނާޒިމް ވިދާޅުވީ އިޒްރޭލް ޕާސްޕޯޓުގައި އެތެރެވުމަށް އިސްތިސްނާއެއް ގެންނަން ބޭނުންވާ ފަރާތްތަކަކީ ކޮބައިކަން އެނގެން ޖެހޭ ކަމަށެވެ. އަދި މިކަމުން ރާއްޖޭގެ އިގްތިސާދަށް ކުރާނެ އަސަރު ދެނެގަތުމަށް އިމްޕެކްޓް އެސެސްމަންޓެއް ހަދަން ޖެހޭ ކަމަށް އޭނާ ވިދާޅުވި އެވެ.
މި މައްސަލައިގައި ކޮމެޓީން ނިންމާ ނިންމުމަކީ އެނގިތިބެ ނިންމާ ނިންމުމަކަށް ވާންޖެހޭ ކަމަށް ނާޒިމް ވަނީ ފާހަގަކުރައްވައިފަ އެވެ.
- މަޓީ އާއި އެމްޑީޕީން މިހާތަނަށް އެއްވެސް އެއްޗެއް ބުނެފައި ނުވޭ
- އިގްތިސާދަށް ކުރާނެ އަސަރު ދެނެގަތުމަށް އިމްޕެކްޓް އެސެސްމަންޓެއް ހަދަން ޖެހޭކަމަށް ނާޒިމް ވިދާޅުވި
