އެފްއޭއެމްގެ ކަންކަން ހަމަ މަގަށް އެޅި، އަންނަ އަހަރު ފުޓްބޯޅަ މުބާރާތްތައް ބޭއްވޭނެ ކަމަށް އުއްމީދު ކުރައްވާ ކަމަށް ކުޅިވަރު ވަޒީރު ވިދާޅުވީ، ގައުމީ ޓީވީގައި ވާހަކަ ދައްކަވަމުންނެވެ.
ފުޓްބޯޅައިގެ ހަރަކާތްތައް މަދުން ނަމަވެސް އަލުން އިއާދަވާން ފަށާފައިވާކަން ފާހަގަ ކުރައްވައި ވަޒީރު ވިދާޅުވީ، ވީ އަވަހަކަށް ފުޓްބޯޅަ ހަރަކާތްތައް ފެއްޓުން މުހިންމު ކަމަށެވެ. ވަޒީރު ވިދާޅުވީ އަންނަ އަހަރަކީ ރާއްޖޭގެ ފުޓްބޯޅައިގެ ގިނަ މަސައްކަތްތަކެއް ކުރެވި، އެސޯސިއޭޝަނަށް އެއްބާރުލުންދީ، ފުޓްބޯޅަ އަލުން ފެއްޓުމަށް މަސައްކަތް ކުރައްވާނެ އަހަރެއް ކަމަށެވެ.
މިދިޔަ އަހަރުގެ ޑިސެމްބަރު މަހުގެ 19 ވަނަ ދުވަހު ނިމުނު ދިވެހި ޕްރިމިއާ ލީގުގެ ފަހުން، ރާއްޖޭގައި ފުރަތަމަ ޑިވިޝަނުގެ ކުޅުން ކުރިއަށް ގެންގޮސްފައެއް ނުވެއެވެ. އެހެންކަމުން ރާއްޖޭގައި ފުރަތަމަ ޑިވިޝަނުގެ ފުޓްބޯޅަ ނުކުޅޭތާ އަހަރެއްވާން ކައިރިވީއެވެ.
