"ސީއެންއެމް" އަށް މައުލޫމާތު ދިން ބައެއް ވިޔަފާރިވެރިން ބުނީ އިންޑިއާގެ ކުދި ބޯޓް ފަހަރުތަކަށް މުދާ ގެންނަ ފަރާތަތަކަށް ބޭރު ފައިސާ ގެނައުމުގެ ދަތިކަން ބޮޑުވެ އެމީހުނަށް އިދިކޮޅަށް ޓީޖީ ނުފޮނުވޭ ކަމަށެވެ. އަދި އެމީހުންގެ ވިޔަފާރީ ސަޕްލައި ކުރާ ފަރާތްތަކުގެ މެދުގައި އެވާހަަކ ދެކެވި ނުތަނަވަސްކަން ބޮޑުވެފައިވާކަން ވިޔަފާރިވެރިންބުނެއެވެ.
ބޭންކް އޮފް މޯލްޑީވްސް އިން ދެނީ 5 ޕަސަންޓު ކަމަށާއި އަނެއް 95 ޕަސްންޓު ހޯދަން ޖެހެނީ ، އައުޓް މާކެޓުން ، ބްލެކް މާކޭޓުން ކަމަށް އޭނާ ބުނެއެވެ. އަދި ސްޓޭޓް ބޭންކް އޮފް އިންޑިއާއިން ލިބެނީ 10 ޕަސަންޓް ކަަމަށްވާއިރު ،90 ޕަސަންޓް ވިޔަފާރިވެރިންނަށް ޕީޓިއޭ ލިބެނީ ބްލެކް މާކެޓުން ކަމަށް ވިޔަފާރިވެރިން ބުނެއެވެ.
އިންޑިއާގެ ސަޕްލަޔަރުންވެސް މުދާ ފޮނުވަނީ އެމީހުންގެ ބޭންކުތަކުން ނުވަތަ ކްރެޑިޓާސް އަތުން ލާރި ނަގާއިގެން ކަމަށާއި އެގޮތުން އާންމުކޮށް ފިޔާ ބިސް ފަދަ އެއްޗެހި ގެންނަކަމަށް އޭނާ ވިދާޅުވިއެވެ. މުދާ ގެނެވުމުން ރާއްޖެއިން ޑޮކިއުމެންޓަށް ލާރި ދައްކަން އަންގާކަަމަށާއި ލާރި ދައްކަން ދަތިވެގެން އެކނަް ބޮޑުވަމުން ގޮސް އެމީހުންގެ ކްރެޑިޓް ބޮޑުވެފައިވާކަމަށް ވިޔަފާރިވެރިން ބުނެއވެ. އެހެންކަމަށްވުމާއެކު އެކޮޅުން މުދާ ނުފޮނުވޭނެ ކަމަށާއި ބޭންކުން ޑޮލަރު ނުލިބުނީމަ ވަރަށް ދަތިވާކަމަށް ވިޔަފާރިވެރިން ބުނެއެވެ.
އެމްއެމްއޭއިން ބުނަގޮތުން ކޮވިޑުގެކުރިން 20 ޕަސަންޓު ވަރު ބޭރު ފައިސާ ދިވެހި ބޭންކުތަކަށް ޓޫރިޒަމް އިންޑަސްޓްރީން ވަނަސް މިހާރު ވަންނަނީ އެންމެ ތިން ޕަސަންޓެވެ.
ފަތުރުވެރިކަމުގެ ދާއިރާއަށް ލުއިތަކެއް ދީ ބޭރު ފައިސާ އާއި ބެހޭ ބިލު ހިޔާލަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ)އިން ވަނީ ހުޅުވާލައިފައެވެ. މިހާރު އޮތް ގަވައިދާ ގުޅޭ ގޮތުން ޓޫރިޒަމް ދާއިރާއިން ފާޅުކުރާ ކަންބޮޑުވުންތަކާ ގުޅުން ހުރި ބައެއް ބަދަލުތައް ބިލުގައިވެ އެވެ. އޭގެ ތެރެއިން އެއް ކަމަކީ އަހަރެއްގެ ތެރޭގައި 20 މިލިއަން އެމެރިކާ ޑޮލަރަށް ވާ އަދަދަށް ބޭރު ފައިސާ ލިބޭ ވިޔަފާރިތަކުން އެ ފަރާތްތަކަށް ލިބޭ ބޭރު ފައިސާގެ އާމްދަނީ ރާއްޖޭގެ ބޭންކު އެކައުންޓަކަށް ޖަމާކުރުމެވެ. އެއީ ބޭރު ފައިސާގެ އާމްދަނީގެ 25 ޕަސެންޓަށް ވުރެ ބޮޑުނުވާ ގޮތަށް، ހަދާ ގަަވައިދެއްގެ ތެރެއިން މާރުކުރަން ޖެހޭ ގޮތަށެވެ.
