Advertisement

އައްޑޫ ހިތަދޫއަށް ނިސްބަތްވާ އަހުމަދު ޝަރީފް (53 އަހަރު) މަގުމައްޗަށް ވެއްޓުނީ މިއަދު ހެނދުނު 8:56 ހާއިރު އާޓިފިޝަލް ބީޗް ކައިރިންނެވެ. އޭނާ ވެއްޓުމާ އެކު ފުލުހުން އެތަނަށް ގޮސް، ވަގުތުން ހޮސްޕިޓަލަށް ގެންދިޔަ އެވެ.

ފުލުހުން ބުނި ގޮތުގައި އަހުމަދު ޝަރީފް މަރުވީ އޭޑީކޭ ހޮސްޕިޓަލުގައި ފަރުވާ ދެމުން ދަނިކޮށް ހެނދުނު 10:03 ހާއިރު އެވެ. މި ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށް ވެސް ފުލުހުން ބުންޏެވެ.

ސޯޝަލް މީޑިއާގައި ފެތުރިފައިވާ ވީޑިއޯތަކުން ދައްކާ ގޮތުގައި، އަހުމަދު ޝަރީފް ހޮސްޕިޓަލަށް ގެންދިޔައީ ޕިކަޕެއްގައެވެ. އޭނާ ގެންދިޔައިރު އާއިލާގެ ދެ މީހަކާއި ފުލުހުން ވެސް އެކުގައި ދިޔަ އެވެ.