އެމްއެމްޕީއާރްސީން ބުނީ މި ފެއާގައި ރާއްޖޭގެ ޓޫރިޒަމް ސިނާއަތުގެ ލަގްޒަރީ ސެކްޓަރގެ 67 ކުންފުންޏެއްގެ 12 މަންދޫބުން ބައިވެރިވާ ކަމަށެވެ. މީގެ ތެރޭގައި އަލީލާ ކޮތައިފަރު މޯލްޑިވްސް، އަމިއްލަ ފުށި، ބްލިސް މޯލްޑިވްސް، ފިނޮޅު ބާ އެޓޯލް މޯލްޑިވްސް، ޖޭއޭ މަނަފަރު، ދަ ނޯޓިލަސް މޯލްޑިވްސް އަދި ވިލާ ރިސޯޓްސް ހިމެނެ އެވެ.
ޑިސެމްބަރު ދެ އިން ފަސް އަށް ކުރިއަށްދާ މި ފެއާގައި ރާއްޖޭގެ ސްޓޭންޑް ފަރުމާކޮށްފައިވަނީ ރާއްޖޭގެ ލަގްޒަރީ ޓޫރިޒަމްގެ ސިފަތަކާ އެކު އެވެ. އަދި ރާއްޖޭގެ ރިސޯޓުތަކާއި ލިވަބޯޑުތަކާއި ޔުނީކް ޖިއޮގްރަފީ ހިމެނޭ ގޮތަށް ފަރުމާކޮށްފައިވާ ސްޓޭންޑުން ލަގްޒަރީ އުފެއްދުންތަކާއި ތަޖުރިބާތައް ދައްކުވައިދޭ ކަމަށް އެމްއެމްޕީއާރްސީން ބުންޏެވެ.
ފްރާންސްއަކީ ރާއްޖެއަށް މުހިންމު މާކެޓެއްގެ ގޮތުގައި ފާހަގަކުރެވެ އެވެ. މި އަހަރު ރާއްޖެއަށް އެންމެ ގިނަ ޓޫރިސްޓުން ޒިޔާރަތްކުރި ގައުމުތަކުގެ ތެރެއިން އަށްވަނައިގައި ފްރާންސް އޮތްއިރު، މި އަހަރުގެ ޑިސެމްބަރު އެކެއްގެ ނިޔަލަށް 48،521 ޓޫރިސްޓުން ފްރާންސްއިން ރާއްޖެއަށް ޒިޔާރަތްކޮށްފައިވެ އެވެ.
