މިދިޔަ ހަފްތާގައި އޮޑިޓަ ޖެނެރަލް އާއްމު ކުރައްވާފައިވާ އިންފޮމޭޝަން ކޮމިޝަނަރު އޮފީހުގެ 2023 ވަނަ އަހަރުގެ އޮޑިޓް ރިޕޯޓުގައި ފާހަގަކޮށްފައިވާ ގޮތުން، މިދިޔަ އަހަރު އިންފޮމޭޝަން ކޮމިޝަނަރު އޮފީހުގެ ހުރިހާ ހަރަދެއްވެސް ކޮށްފައިވަނީ އެ އަހަރަށް ރައްޔިތުންގެ މަޖިލީހުން ފާސްކޮށްފައިވާ ބަޖެޓާ އެއް ގޮތަށެވެ.
އޮޑިޓް ރިޕޯޓުގައި ބުނެފައިވާ ގޮތުގައި އެ އޮފީހުން ދެކޭ ގޮތުގައި މައިގަނޑު ގޮތެއްގައި އިންފޮމޭޝަން ކޮމިޝަނަރު އޮފީހުގެ މާލީ އަހަރުގެ ހަރަދުތައް ކޮށްފައިވަނީ އެ އަހަރަށް ރައްޔިތުންގެ މަޖިލީހުން އެ އިދާރާއަށް ފާސްކޮށްދެއްވި ބަޖެޓުގެ މަގްސަދުތައް ހާސިލްވާ ގޮތަށް، ބަޖެޓުގައި ކަނޑައެޅިފައިވާ ކަންތައްކަކަށް ބަޖެޓްގައި ކަނޑައެޅިފައިވާ މިންވަރަށް، ދައުލަތުގެ މާލިއްޔަތު ގާނޫނާ ދައުލަތުގެ މާލިއްޔަތު ގަވައިދާ އެއް ގޮތަށެވެ.
އިންފޮމޭޝަން ކޮމިޝަނަރުގެ އެންމެ އިސްވެރިޔަކީ އަހްމަދު އާހިދު ރަޝީދުއެވެ.
