އެ ކުންފުނިން ބުނީ މަޝްރޫއުގެ ބާކީ ހުރި މަސައްކަތްތަކަށް ބޭނުންވާ ބޮޑު ހިލައިގެ ޝިޕްމަންޓްތައް މިހާރު ވަނީ ޕްރޮޖެކްޓް ސައިޓަށް ގެންގޮސްފައި ކަމަށެވެ. އަދި ރިވެޓްމަންޓް ޕްރޮފައިލިންގ މަސައްކަތުގެ 50 ޕަސަންޓް ވެސް ވަނީ ނިމިފައި ކަމަށް އެމްޓީސީސީން މައުލޫމާތު ދިނެވެ.
މި މަޝްރޫއުގެ ދަށުން 28،175 ކިއުބިކް މީޓަރުގެ ސަރަހައްދެއްގެ އާ ހާބަ ބޭސިން ފުން ކުރުމާއި، 1،740 ކިއުބިކް މީޓަރުގެ ސަރަހައްދެއްގެ މިހާރު ހުރި ހާބަ ބޭސިން ފުން ކުރުމުގެ މަސައްކަތް ހިމެނެ އެވެ. މީގެ އިތުރުން 264 މީޓަރުގެ އެއްގަމު ތޮށި ލުމާއި، 407 މީޓަރުގެ ބޭރު ތޮށި ލުމުގެ މަސައްކަތް ވެސް ކުރިއަށް ދެ އެވެ.
އެމްޓީސީސީން ބުނީ މި މަޝްރޫއުގެ ދަށުން 1،933 އަކަ މީޓަރުގެ ސަރަހައްދެއްގައި ހާބަ ޕޭވްމަންޓް ހެދުމާއި، ރޭމްޕެއް ހެދުމާއި، 15 މީޓަރު ދިގު ދެ މީޓަރު ފުޅާ ދެ ބްރިޖް ހެދުމާއި، ބަނދަރު ބައްތި ހަރުކުރުމުގެ މަސައްކަތް ވެސް ހިމެނޭ ކަމަށެވެ.
