ޝަރީއާގެ އުސޫލުތަކަށް ފެތޭ މި ކްރެޑިޓް ކާޑު ނެރުމަށް މިއަދު ބޭއްވި ރަސްމިއްޔާތެއްގައި އެ ބޭންކުގެ ސީއީއޯ ސީއީއޯ މުހައްމަދު ޝަރީފްއެވެ.
ބީއެމްއެލުން ބުނީ އަލަށް ތައާރަފުކުރި ކާޑަކީ ކަސްޓަމަރަށް ހިދުމަތް ފޯރުކޮށްދޭން އެއްބަސްވެފައިވާ ފީއެއް ނެގޭ ގޮތަށް އިސްލާމިކް ބޭންކިންގެ އުޖްރާ އުސޫލުން ފަރުމާކޮށްފައިވާ ކާޑެއް ކަމަށެވެ.
މި ކާޑު އިސްލާމިކް ވިސާ ކްރެޑިޓް ކާޑުގެ ކްލެސިކް، ގޯލްޑް، ޕްލެޓިނަމް އަދި ސިގްނޭޗާ ކާޑު ލިބެން ހުންނާނެ ކަމަށް ބޭންކުން ބުނެއެވެ. އަދި ކާޑުން ރާއްޖެ އާއި ރާއްޖޭން ބޭރުން ވިޔަފާރިކުރެވޭނެ ކަމަށާއި މި ކާޑަކީ އެންމެ ފަހުގެ ސަލާމަތީ ފިޔަވަޅުތައް އެކުލެވޭ ކާޑެއް ކަމަށްވެސް ބޭނުންކުން ބުނެ އެވެ.
އިސްލާމިކް ވިސާ ކްރެޑިޓް ކާޑު ތައާރަފުކުރުމަށް ބޭއްވި ރަސްމިއްޔާތުގެ ތެރެއިން
މީގެއިތުރުން އެ ކާޑު ބޭނުންކޮށްގެން ކަސްޓަމަރުންނަށް، ބީއެމްއެލް ރިވޯޑް ޕްރޮގްރާމްގައި ބައިވެރިވެ ކްރެޑިޓް ކާޑުން ކުރާ މުއާމަލާތްތަކަށް ޕޮއިންޓް ހޯދޭނެ ކަމަށާއި ރިވޯޑް ޕޮއިންޓްސް ބޭނުންކޮށްގެން ފްލައިޓް ޓިކެޓާއި ކާރު ކުއްޔަށް ނެގުންމުގެ އިތުރުން ހޮޓެލް ބުކިންތަކަށް ހެދޭނެކަަމަށްވެސް ބީއެމްއެލުން ބުނެ އެވެ.
މި ކާޑު ތައާރަފްކުރުމަށް މިއަދު ބޭއްވި ހަފްލާގައި ވާހަކަ ދައްކަވަމުން ބީއެމްއެލްގެ ޑައިރެކްޓާ އޮފް އިސްލާމިކް ބޭންކިން ހަސަން ކަލާމް ވިދާޅުވީ، ބޭންކުގެ ކަސްޓަމަރުންނަށްދޭ އިސްލާމިކް ބޭންކިންގެ ހިދުމަތްތައް ފުޅާކޮށް ތަރައްގީކުރުމުގެ ތެރެއިން ޝަރުއީ ހަމަތަކަށް ފެތޭ ކްރެޑިޓް ކާޑު ޕޯޓްފޯލިއޯއަށް ވިސާ ކްރެޑިޓް ކާޑު ތައާރަފް ކުރުމަކީ ބޭންކަށް ލިބުނު ވަރަށް ބޮޑު އުފަލެއް ކަމަށެވެ.
ބީއެމްއެލް އިސްލާމިކް އިން ދަނީ ރާއްޖޭގެ އިސްލާމިކް ބޭންކިން ދާއިރާއަށް ތަފާތު އާ ހިދުމަތްތައް ތައާރަފްކުރަމުންނެވެ. ބޭންކުންވަނީ ރާއްޖޭގެ ފުރަތަމަ ޝަރީއާ ކޮމްޕްލައެންޓް ކްރެޑިޓް ކާޑު މި އަހަރު ކުރީކޮޅު ތައާރަފްކޮށްފަ އެވެ.
