އެ ކުންފުނީގެ ސީއެސްއާރު ޕްރޮގުރާމްގެ ދަށުން، ނޮލެޖް ސެންޓަރަށް ކޮމްޕިޓަރު ސިސްޓަމާއި ވީޑިއޯ ކޮންފަރެންސް ޑިވައިސް އާއި އެކި ވައްތަރުގެ ފޮތްތައް ވަނީ ހަދިޔާކޮށްފަ އެވެ. މިއީ ފަސޭހައިން ޓެކްނޮލަޖީގެ ވަސީލަތްތައް ލިބޭނެ މަގު ފަހިކޮށްދީ، ޑިޖިޓަލް ލިޓްރަސީ އިތުރުކޮށް އަދި ފޮތް ކިޔުމަށް ޝައުގުވެރިކަން އިތުރު ކުރުމުގެ ގޮތުން އެ ކުންފުނިން ހަދިޔާކުރި ތަކެތި ކަމަށް ދިރާގުން ބުންޏެވެ.
ދިރާގުގެ މެނޭޖަރު ކޯޕަރޭޓް ސޯޝަލް ރެސްޕޮންސިބިލިޓީ ބިޝާރާ ހަމީދު ވިދާޅުވީ، އެ ސިޓީގައި އުނގެނުމާއި މުޖުތަމައުގެ ބައިވެރިވުން ވަރަށް މުހިންމު ހަބަކަށް ވެގެންދާނެ ނޮލެޖް ސެންޓަރަށް އެއްބާރުލުން ދިނުމަކީ އެ ކުންފުންޏަށް ލިބޭ ވަރަށް ބޮޑު އުފަލެއް ކަމަށެެވެ.
މިމަސައްކަތުގައި އިތުރަށް އެހީތެރިވުމުގެ ގޮތުން ދިރާގުގެ ޓީމުން ވަނީ ނޮލެޖް ސެންޓަރުގައި ވޮލަންޓިއަރކޮށް 100 ގަސް ފޯރުކޮށްދީ، ފެހި މުޖުތަމައެއް ފޯރުކޮށް ދިނުމަށް އެހީތެރިވެ ދީފަ އެވެ.
މި ނޮލެޖު ސެންޓަރަކީ މައުލޫމާތު ހޯދުމަށް އެހީތެރިވެ ދިނުމުގެ ގޮތުން ފޮތްކިޔުމާއި ކަންކަން ހިއްސާ ކުރުން ފަދަ ހަރަކާތްތަކަށް އެ ސިޓީ ކައުންސިލުން ގާއިމު ކުރި ތަނެކެވެ.
އެ ސެންޓަރަށް އެހީތެރިވުމުގެ ގޮތުން ދިރާގުގެ, ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ގެ ދަށުން ވަނީ ކޮމްޕިއުޓަރު ސިސްޓަމްތަކަކާއި ވީޑިއޯ ކޮންފަރެންސް ބޭއްވޭ ޑިވައިސްތަކެއްގެ އިތުރުން ގިނަ އަދަދެއްގެ ފޮތް ހަދިޔާ ކޮށްފައެވެ.
މި ތަކެތި ހަދިޔާ ކުރުމުގެ މަގުސަދަކީ ޓެކްނޮލޮޖީއަށް އެކްސެސިބިލިޓީ އިތުރުކޮށް، އުނގެނުމަށް ލޯބި އުފެއްދުމާއި، ޢިލްމު ހިއްސާކުރުމާއި ޑިޖިޓަލް ލިޓްރޭސީގެ ސަގާފަތެއް އާލާކުރުމަށް މަގުފަހިކޮށްދިނުން ކަމަށް ދިރާގުން ބުނެ އެވެ.
