މައުލޫމާތު ލިބިފައިވާ ގޮތުގައި އާޒިމްއާ ދެކޮޅަށް އުފުލާފައިވާ ދައުވާތައް ކޯޓުން ބޭރުކޮށްލީ މިދިޔަ ހަފްތާގައެވެ. މި މައްސަލަ ކޯޓުން ބޭރުކޮށްލުމުން، ދައުލަތުން އެ މައްސަލަ ހައިކޯޓުގައި އިސްތިއުނާފު ކުރަންވަނީ ނިންމާފައިކަމަށްވެސް މައުލޫމާތު ލިބިފައިވެ އެވެ.
އާޒިމްއާ ދެކޮޅަށް އުފުލާފައިވާ ދައުވާ ބޭރުކޮށްލިއިރު، މުއައްސަސާތަކެއް ގުޅިގެން މައްސަލަ ތަހުގީގުކުރަން 'ޖޮއިންޓް އިންވެސްޓިގޭޝަން'އެއް ހިންގީ ގާނޫނާ ހިލާފަށް ކަމަށްވަނީ ކަނޑައަޅާފަ އެވެ. ޖޮއިންޓް އިންވެސްޓިގޭޝަންގައި ހިމެނުނީ އޭސީސީ އާއި ފުލުހުންގެ އިތުރަށް މިދިޔަ ސަރުކާރުން އެކުލަވާލި އެސެޓް ރެކަވަރީގެ ރިޔާސީ ކޮމިޝަންއެވެ.
އާޒިމްގެ މައްޗަށް ރިޝްވަތު ގަބޫލު ކުރުމާއި މަނީ ލޯންޑަރިންގެ ދައުވާކޮށްފައިވެ އެވެ. އެއީ ދެ ފަހަރު މަތިން އޭނާގެ އެކައުންޓަށް ފައިސާ ޖަމާކޮށް ފައިސާގެ އަސްލު އޮޅުވާލާފައިވާ ކަމުގެ ތުހުމަތުގަ އެވެ.
