މި އާ ޕެކޭޖްތައް ދިރާގުން ތައާރަފް ކުރީ ދިރާގު މައި އޮފީހުގައި މިރޭ ބޭއްވި ހާއްސަ ހަފްލާއެއްގަ އެވެ.
މި ރަސްމިއްޔާތުގައި ދިރާގުގެ ޗީފް ކޮމާޝަލް އޮފިސަރު، އަލީ ރިޔާޒް ވިދާޅުވީ ދިރާގަކީ ކަސްޓަމަރުންގެ ބޭނުންތައް ދެނެގަނެ، އެކަންތައްތައް ފުރިހަމަކޮށް ދޭން މަސައްކަތްކުރާ ކުންފުންޏެއް ކަމަށެވެ.
އަލަށް ތައާރަފްކުރި ޕެކޭޖްތަކާ އެކު ދިރާގުން ކަސްޓަމަރުންގެ ބޭނުންތަކަށް ކުރިއަށް ވުރެ ފެންވަރު ރަނގަޅު ހިދުމަތްތައް ފޯރުކޮށްދިނުމަށް މަގުފަހިވެގެންދާނެ އެވެ. އެގޮތުން:
ދާދި ފަހުން ދިރާގުން ވަނީ އެންމެ ފަހުގެ ގްލޯބަލް ސުޕަ-ހައިވޭ ސީ-މީ-ވީ 6 ސަބްމެރިން ކޭބަލް ލޭންޑިން ރާއްޖެގައި އިފްތިތާހުކޮށްފައި
މިއާ އެކު، ދުނިޔޭގެ މައި އިންޓަނެޓް އެކްސްޗޭންޖް ޕޮއިންޓްތަކާއި ޑޭޓާ ސެންޓަރުތަކަށް ރާއްޖެ ސީދާ ގުޅުވާލަދީ، ރާއްޖޭގެ ބައިނަލްއަގުވާމީ ކަނެކްޓިވިޓީ އިތުރަށް ހަރުދަނާވާނެ
ރާއްޖޭގެ އެކި ކަންކޮޅުތަކުގައި ޑިޖިޓަލް ހިދުމަތްތައް ކުރިއެރުވުމަށް މަގުފަހިވެގެންދާނެ
ދިރާގުގެ ފައިބާ ބްރޯޑްބޭންޑް ނެޓްވޯކަކީ ރާއްޖޭގައި އެންމެ ހަލުވި ސްޕީޑުގައި އަދި، އެންމެ ފުޅާ ދައިރާއެއްގައި ކަވަރޭޖް ފޯރުކޮށްދޭ ނެޓްވޯކު ކަމަށްވާއިރު، މިހާރު ރާއްޖޭގެ 95 އިންސައްތައަށް ވުރެ ގިނަ ގޭބީސީތަކަށް ދިރާގުގެ އިންޓަނެޓް ހިދުމަތް ފޯރުކޮށްދެ އެވެ.
އެ ކުންފުނިން ދަނީ ރާއްޖޭގެ ޑިޖިޓަލް ޓްރާންސްފޯމޭޝަން ދަތުރުގައި އިސްކޮށް ހަރަކާތްތެރިވެ، ރާއްޖޭގެ އެކި ކަންކޮޅުތަކުގައި އުޅޭ މީހުންގެ ދިރިއުޅުން މުއްސަނދިކޮށްދޭ އިނޮވޭޓިވް ސޮލިއުޝަންތައް އުފައްދައި، ޑިޖިޓަލް މުޖުތަމައުތައް ބާރުވެރިކުރުވުމަށް މަސައްކަތްކުރަމުންނެވެ.
