2021 ވަނަ އަހަރު ނެރުނު "ޕުޝްޕާ" ދެ ދެވަނަ ބައިގެ ގޮތގައި ނުކުންނަ "ޕުޝްޕާ 2: ދަ ރޫލް" ސިނަމާތަކަށް އަންނަނީ މިމަހުގެ 5 ވަނަދުވަހުއެވެ.
ސިނަމާތަކަށް ފިމުން އަންނަ 5 ދުވަހަށް ވެފައިވަނިކޮށް ފިލްމުގެ ގިނަ ސީންތަކެއް ކަނޑަން ސެންޓްރަލް ބޯޑް އޮފް ފިލްމް ސެޓިފިކޭޝަން (ސީބީއެފްސީ) ވަނީ އަންގާފައެވެ. އޭގެ ތެރޭގައި ހުތުރު ބަސްތައް ބޭނުންކޮށްފައިވާކަމަށް ބުނާ ސީންތަކަކާއި ވަރަށް ބޮޑަށް އަނިޔާވެރިކަން ދައްކާ ސީންތައް ހިމެނޭކަމަށް ނޫސްތަކުން ބުނެއެވެ.
ޕްރޮޑަކްޝަން ޓީމުން ވަނީ އެ މަންޒަރުތައް ކަނޑަން އެއްބަސްވެފައެވެ. އެއާއި އެކު ފިލްމަށް ވަނީ ޔޫ/އޭ ސެޓްފިކެޓް ދީފައެވެ. މާނައަކީ 12 އަހަރުން ދަށުގެ ކުދިން ފިލްމު ބަލަންޖެހޭނީ ބެލެނިވެރިއެއްގެ ހާޒިރުގައެވެ.
500 ކްރޯޑް ރުޕީސް (59.5 މިލިއަން ޑޮލަރު)ގެ ބަޖެޓަކުން އުފެއްދި "ޕުޝްޕާ 2" އަކީ މިއަހަރު ނުކުންނަަ އެންމެ ކާމިޔާބު ފިލްމަށް ވާނެކަމަށް މިހާރުވެސް ވަނީ ބެލެވެން ފަށާފައެވެ. ފިލްމު ރިލީޒްކުރުމުގެ ކުރިން މިހާރުވެސް ވަނީ 1،000 ކްރޯޑް ރުޕީސް (118.9 މިލިއަން ޑޮލަރު)ގެ އާމްދަނީއެއް ހޯދައިފައެވެ.
2021 ވަނަ އަހަރު ނުކުތް "ޕުޝްޕާ" ވެސް ވަނީ އެ އަހަރުގެ އެންމެ ކާމިޔާބު ފިލްމުގެ ގޮތުގައި ހިމެނިފައެވެ. ހާއްސަކޮށް ފިލްމުގެ ލަވަތައްވެސް އެހާ މަޝްހޫރުވެގެންދިޔަ އެވެ.
