ފުވައްމުލަކު ދެވަނަ ބުރަށް ދިޔައީ ރޭ ދ. މީދޫ އަތުން 4-0 އިން މެޗު ކާމިޔާބުކޮށްނެވެ. ގްރޫޕް އޭގެ އެއް ވަނައިގައި ފުވައްމުލަކު އޮތީ ނުވަ ޕޮއިންޓާ އެކު އެވެ. ދެ ވަނައިގައި އޮތް ކުޑަހުވަދޫ އަށް ތިން ޕޮއިންޓް ލިބިފައިވާއިރު، ތިން ވަނައިގައި އޮތް މީދޫ އަށް ވެސް ވަނީ ތިން ޕޮއިންޓް ލިބިފަ އެވެ. ހަތަރެއްގައި އޮތް ހއ. ދިއްދޫ އާއި ފުލުގައި އޮތް ގދ. ފަރެސްމާތޮޑާ އަށް އަދި ޕޮއިންޓެއް ނުލިބެ އެވެ.
ފުވައްމުލަކު ޓީމަށް ރޭގެ މެޗުގައި، އަލީ ޝަމާލް އަބްދުﷲ (ޝަންމު) ވަނީ ހެޓްރިކެއް ހަދައިފަ އެވެ.
ގޯލްޑް ކަޕްގެ ދެ ވަނަ ބުރު ކުރިއަށްދާނީ، 12 ޓީމު ހަތަރު ގްރޫޕަަށް ބަހާލައިގެން ކޮންމެ ގްރޫޕެއްގައި ތިން ޓީމު ހިމެނޭ ގޮތަށެވެ.ދެ ވަނަ ބުރުގެ 12 ޖާގައިގެ ތެރެއިން ހަތަރު ޖާގައެއް ވަނީ މިހާރު ކަށަވަރުވެފަ އެވެ. އެއީ، ފުވައްމުލަކުގެ އިތުރުން މާލެ ސިޓީ އާއި ބ. އޭދަފުށި އަދި ރ. އަލިފުށިންނެވެ.
